踩單車X釣墨魚

呢日時間好緊逼,,哈!! 下就去踩單車,, 夜晚去釣墨魚,, 真開心!!
不過下就有少少意外,, 遲左出發啦~~我地由大埔墟踩入大尾篤,,
個幾日都陰陰地天,, 所以唔算太熱,, 而且踩單車有風吹,, 都幾舒服~~

去到第一個check point 休息下先,, 食碗豆腐花... 熱辣辣食咩凍野都爽嫁啦!!
肥仔請客,, 萬歲~~ 佢好少可嫁,, 哈!!

我地慢慢踩又抖下,, 來回3個中到啦~~ 回程咋咋林返去淋一淋個身,, 又出發~~
肥仔朋友係大埔墟接我地出西貢,, 真係唔該哂啦!!
藍天白雲~~

船來了~我們岩岩好10個人坐呢個叫大頭艇~出海好快姐,,我諗10-15分鐘就到啦,,

去到未天黑,, 坐陣吹下海風先,, 天黑就開射燈啦~~
之後慢慢見到有D墨魚游埋黎,, 好得意呀~~ 我第1次見到咁樣嫁咋,,

我釣左一段時間先釣到咋,, 個感覺好奇怪,, 一黎就中左,,
一D先兆都冇嫁,, 同釣魚好唔同,,我地10個人唔係釣到好多,,
同埋中間有段時間落大雨釣唔到,,

船家幫我地即釣即炒,, 幾好食!! 呢度係我地釣左一半既成績,,

船家話算釣得少啦,, 前幾日個D係咁上釣,, 有好多!!
不過唔緊要啦,, 釣到已經好滿足啦!!