759 pancake

之前759有pancake粉買~~呢個好似好方便~淨係加奶同蛋,,直接用佢個樽shake就可以啦~~
唔洗洗咁多野嘛~我買個陣好似加$10就可以換~ 呢個係家姐度整~家姐都有買!!

打開入面有pancake粉一包~~自己加蛋同奶,,我拎錯左豆漿,,仲要開埋先知~哈!!
個樽上面有刻份量,,所以冇量杯都唔要緊~~
加哂入去撈撈撈,,我個陣冇諗到可以閂蓋shake tim~~ 哈!! 要洗匙...

之後加少少牛油,,直接唧落去,, 十級方便呀!!
岩岩落個陣唔好郁佢,,如果唔係唔令仔~ 一邊大約1分中左右啦,,
不過我用電子爐,,火力咁冇勁,,所以自己衡量啦~ 不過你搖下隻鑊佢就會自己郁嫁啦~
當然唔好咁大力啦~

唔痴底就可以反啦~~呢件係算煎得唔錯嫁啦~~
唔夠油就再加少少牛油,,~ 唔好咁多呀~ 唔好煎完好油林林嫁!!

大功告成!! 大約可以煎到6塊左右,, 我整厚d,, 不過2個人應該夠食嫁啦!!
冇糖漿冇cream冇生果,, 就咁食係有d dry,, 不過原來用豆漿又幾好味嫁喎~~甜甜地岩岩好!!
我諗如果用牛奶反而會冇咩味~~ 錯有錯著!!
仲有波仔通菜拌食,,~ 哈!!一D都唔match~~

有菇菇呀

是咁的,, 前幾日落雨,, 鬼死咁潮濕,, 我個寶寶農場就冇咩理佢啦~
點知前幾日見到棵菜心則邊冇啦啦生左D菇菇,,
好搞笑嫁,, 一粒粒好可愛~~
呢個係第一日既樣,, 唔知點解生左D菇菇出黎我好興奮~

之後個晚返到去,, 嘩,, 大左咁多既.......好搞笑呀!!

第2晚....... >0<,,,  西利呀!! 我覺佢係突然間"卜"一聲爆出黎咁樣,,哈!!

第3晚,,我仲諗過多晚會變到把遮咁,,點知.....已經謝左皮.....好咋呀你!!!

我上網睇過,, 呢隻菇菇應該叫綠摺菇,,有毒嫁,,
無啦啦淨係得呢盤生,, 其他一樣泥又咩事都冇.... 奇怪奇怪~~
我今晚返去會剷哂佢嫁啦~~

終於見到鴨鴨

鴨鴨黎左咁多日終於可以去見佢啦,,

我地平日下就去都好多人啊,,真係熱鬧呢~

 

則邊少D人.. 不過淨係見得一隻眼仔~~

換新電話緊係要用新function.. 前後鏡頭一齊影,, 好方便嫁~

終於比我搵到個令位影正面啦~~好可愛呀~

 

仲有小鴨鴨~~ 都好可愛呀~
有姐姐係度睇住叫D人唔好踩鴨鴨,, ~~守秩序啦!!

前幾日鴨鴨扁哂,,成個豆卜咁,, 要休息下啦~
希望快D好返啦,, 鴨鴨黎到香港人好開心嫁~~

 

 

淡水-漁人碼頭情人橋-士林夜市(Family Trip Day 1)

我頂x100,, 我打左一大半...hand機冇哂...諗住有自動backup..點知乜都冇!!
唉... 再寫過!!!   >>  終於有時間update我個family trip,,

我地揀左新年之後個幾日,, 因為新年媽媽同爸爸先有時間,,
17/2 出發,, 我地call的士去機場, 所以唔係好趕, 慢慢check in 食埋早餐~
睇下佢地幾開心~~



第一次全家一齊去咁遠,, 好期待呢~~ 搭中華,, 要坐無人駕駛!

指定動作,, 上機啦!!

 \
佢地對上一次搭飛機成10年前先,, 話有D緊張,, 哈哈!

 

海鮮餐好食,, 要一早order,, 個半中機程到啦,, 好好天啊!!
今次book左車,, 費時佢地周圍騰啦~

 
9個字到到酒店啦,, 住西門町cityinn,, 比台北車站間大D,, 前面有捷運出口,, 對面已經係西門町,,
不過搭車黎講就唔係幾方便,, 因為成日要係台北車站轉車,,
http://gocityinn.com/

放低野就出去啦,, 即刻帶佢地食牛肉面,, 點知.....佢裝修...嗚!! 你知唔知我等左你好耐!!

唉,, 最後去左格離間食少少野算,,

 
食完野搭捷運去淡水,, D藍好令啊~~

淡水好多街頭賣藝,, 係呢個環境睇下藝術野幾有風味!!

射波波我地冇玩,, 好多人啊!! 但豬肉豬就要食啦,, 比香港好味得多啦!!

 

仲諗住會好涼,, 點知熱到乜咁,,  唔好信yahoo天氣呀~~~   你睇下幾多人!!

燒魷魚好好味,, 不過唔算平嫁都,,

呢個吻仔魚小卷一定要食,, 則係魷魚仔,, 好好味嫁!! 一D都唔un,, 有時入面仲滿哂春!! 正!!

唔係街頭嫁,, 都幾後面,, 不過連住有兩三間都係,, 是旦一間得嫁啦~~

多人到呢,,,

搭巴士去情人橋睇日落,,~

大合照,, 

漁人碼頭,,


大大個咸蛋黃,, 幾令!!

我地以唯係人扮,, 望左佢好耐.. 點知流既!! 扯~~~ 搵地方食少少野,, 就入左呢間啦,, 環境幾好呀!!好岩恰眼訓,, 哈!!

因為我覺得呢個包好得意,, 所以特登叫餐... 個包冇得散叫..

海鮮炒飯,, 唔記得咩味啦~~ 不過格離個芝士條點肉醬就好好食,,~ very good,,


焗田螺,,都係肉醬,, 其實我幾鐘情D肉醬野,, 有跟餐沙律~

pizza.. 冇咩特別~ 牛肉唔太un,, 不過反而薯蓉就好好味,, 加埋田螺D肉醬好正,, 

咖啡朱朱力,, 呢度得咖啡飲...

情人橋著左燈真係好令,,

搭船返去淡水啦,, 其實隻船好鬼嘈... 又係咁拋下拋下,, 不過快囉....
去買鐵蛋,,, 再打下後面街,, 好多野食賣,, 我D相震哂,, 所以冇post啦,, 

竟然係度比我見到獅子,, 我大叫!! 勁開心!!!

阿媽買呢個唔知做咩.. 哈! 搭捷運去士林夜市啦,, 


搬左去呢度,,個感覺好似冷清左,,對面有鹽水雞,,呢檔好好食!!我地上次特登搭黎買完返酒店,, 

YEAH,, 終於食到啦!! 正野!!


行完士林就返酒店,, 好支力啦~~

**終於打完一日,, 不過通常都係咁,, 去旅行到最尾一日會係最少相,, 一日少D一日少D,, 所以最多相個日打完啦**