ChanBo Beautiful Life: 台灣第二炮-花蓮-自強夜市

我好懶,,琴日先肯update D相落黎,,~ 哈!! 我都好期待再重溫一次~

自上次family trip後,, 事隔2個月港龍有優惠~~ 咩都唔理拿拿林book野啦!!
話咁快又出發了~~ 8點10分機,,5點幾出門等搭頭班車,, 天還未光,, 去旅行最鍾意咁既感覺~~
去到機場實有時間淨,, 叫一份早餐share食~~我估港龍飛機餐唔會差得去邊掛!

上機啦,,

要搭接駁巴士,, 條肥仔話自己係明星,, 要帶超~

好啦,,期待一朝既港龍飛機餐...我X...有咩理由食包嫁,,算啦..包都唔緊,,又硬又唔好食..算點喎! 嗚...真係希望愈大失望愈大,,! 哼,, 之後我同肥仔都話,, 比多次機會你睇下回程點先~~
呀.....仲有一點係冇電視睇既...

恰一陣落機啦,, 噢,, 台灣落雨...! 上次落機冇經呢邊,,整到好型喎~

買悠遊卡同襟錢,,再買巴士車飛,, 我地搭開國光巴士,, 好似比其他貴少少少少,,
不是搭慣又幾舒服就冇所謂啦~~

好似愈來愈快到,, 唔洗9個字就到台北車站~ 好方便!

上次經過見到超多人排隊買芝士蛋糕,, 今次見有少少時間,, 買一個試下先,,
叫現做起司蛋糕,, 真係即做即賣,, 每轉好似得9個,, 買哂就再等啦~

之後去買台鐵便當!! 差唔多時間就等車啦,, 車唔等人準點,, 所以一定要早到~

搭自強號,, 由台北車站去花蓮大約3個中,, 其實仲有其他列車都去到,, 當然車程時間會有唔同,,有D好似會快D到,,
我唔記得點解揀呢架lu,, 有7仔買關東煮食,, 又平又好味~~點解HK冇嫁,, 我諗係關自律事既~

買檸檬紅茶飲,, 係台灣便利店買野飲超多選擇!! 又係好平的,,
出面不斷落雨,,真係個心係度唱,, 祈求天父做做幾天好人~~

3個鐘後到啦,, 坐到patpat都扁埋,,

搭的士去民宿,, 我地住既叫塞維爾,,上次肥仔住過同個老細fd左同埋佢話好正喎,,
所以今次住返個度,,落大雨,,
最後唔記得搭左幾錢lu,, 但肥仔話比上次貴多左都幾多,,

大約10-15分鐘就到啦,, 岩岩停左雨!! 老闆出左去,,佢媽媽出黎招呼我地,,
有茶飲又同我地傾左一陣計,, 好nice啊,,
好,, 遲少少再講民宿詳情,,~ 放低行李抖一陣見冇落雨就出去啦,,

咁岩見到民宿有幾架單車可以借比人,, 哈~~ 其實都幾大膽,, 咩路都唔識就踩左出去周圍衝,,
睇住google map 踩左出碼頭,, 呢度係一號碼頭,, 距離民宿唔算好遠既,,
不過好大風,, 我包到隻糉咁,,

碼頭有好多船,, 另外有間cafe,, 同埋藝術館,, 但我地去到個陣已經閂左門lu,,

有火車路軌,, 但唔知去邊嫁呢~~ 肥仔係度做咩....@@!!!

見開始落雨就返去啦,, 好彩認得路,, 返去抖下先,,~

天黑就去夜市啦,, 民宿媽媽話花蓮有2個夜市,, 不過一個修理中,, 所以叫我地去自強夜市,,
仲幫我地call的士,, 有折既~~ 總之係花蓮市內都係100蚊台幣定150蚊台幣禁上下~~
唔知係咪落雨關係,, 唔係好多檔開,, 不過一定要試呢個串燒,, 食過先叫黎過自強夜市囉,,

最平10蚊台幣有一串,, 我地揀左唔係好多,, 因為仲諗住食其他嘛~ 即刻燒所以要等~~
對我地黎講其實唔係話好好好好味同好特別,, 因為香港周圍都有,, 不過係台灣黎講應該算係特別既~~

之後去食麵,, 好似關東煮咁既~~

食少少野去玩下先,, 去擲籃球,, 玩2鋪就好支力啦,, 哈~~ 10蚊台幣1鋪!

最後.. 冇咩野食岩食... 臨走見到呢個燒粟米好似好出名咁~~
賣點係自己種自己燒既~~所以會有唔同口感比你揀,, 肥仔揀左硬...
個口感好奇怪,, 哈哈,, 未食過咁既粟米,, 比平時食既一D都唔同,, 真係咬勁十足,,哈!!
個汁較濃味,, 唔太岩我口味~~ 不過可以試下嫁,, 因為真係幾特別~

行完夜市仲好早,, 民宿媽媽建議我們可以去市中心行下,, 叫金三角商圈~
其實則係中正路, 中山路, 中華路~~ 搭的士其中一度落都得,,
司機好好,, 車我地去最多野睇個條路(佢話,, XD),, 同埋一路車佢都有講下咩好行咩好食,,
不過放心,, 佢介紹下姐,,~ 唔係好似泰國個D咁車你去第2度既!!
一落車見到有間乳牛裝飾既鋪頭,, 好吸引人嫁,, 有香蕉牛奶買~~ 試下先!!
好重料好濃牛奶味~ 飲完有D流,, 不過係好飲既!