好味~~

呢排公司好忙呀,,未有時間update日本之旅,,
今日講住好好味先,,  話說我好中意食花生魚仔入面個D魚仔,,
某一日,, 肥仔係阿信屋見到呢個魚仔就買左比我食,, $1x 有6條,,,
比起花生魚仔個條大好多好多倍,, 差不多有手指公咁大,,
我睇紹紙係送酒送茶或者浸淋食,, 但我中意就係食,, 係咁梅下梅下可以食好耐,, 

近呢2年好中意食乳酪,, 之前岩岩興起個陣我仲話,,點解D人咁奇怪,,
食雪糕都中意撈埋其他野食,,
點知最後食食下自己又上左癮咁,, 呢間係CRUMBS, 我知佢開左都一段時間,, 不過初初食乳酪中意自己"不"topping,,
所以一路都skip左佢,, 直到有一次好想好想食,, 但附近又得佢就去試下啦,,
一試楓糖香蕉就愛上左啦,, 真係好好好好好味,, 從此之後我就淨係食呢間啦,,
其實諗諗下,,自己"不"個D, 不下不下次次都成40蚊,,而家呢個食regular size都係$30, 雖然都唔係爭好遠,,
不過大杯好多呀,, 同埋,, 淨係食楓糖香蕉已經夠哂味!!  (我呢杯係kiddie size $20)



呢個蔬菜杯面係日本買嫁,, 其實佢唔係面黎,, 應該係日本粉絲,, 個湯底好味呀,,
唔係好貴,,但唔記得幾錢啦,, 不過貴既我一定唔會買,,哈哈~~  

下次再分享啦~~

爬蜆,,

13/5

呢日一朝早落大雨,, 係勁勁勁大雨,,
不過最後都係照出去,, 好好彩,, 係我地活動既期間冇落過雨,,
東涌集合, 搭巴士去呢度,, 好似叫下沙沙灘,, 去爬蜆!!
有好多外國人,, 仲有人放狗tim,, 一D都唔哂,, 吹住海風都幾舒服~

有牛牛呀,,

唔知有冇人養嫁呢,, 你睇佢幾爽,,~

我負責睇袋,, 呢D全部都係佢地努力既成果,, 個D細細粒我地會放返左落海,,

夜晚去BBQ,,

加餸,,,  好勁海水味,,~新鮮呀!!

平和公園-大涌谷-御殿場outlet Day 4 14/4

14/4

第4日啦,, 
酒店房景好開揚,, 不過天氣唔好,, 睇唔到好遠,,  呢度係一個湖黎嫁,, 不過大到成個海咁,,

早餐好豐富,, 個個櫻花蝦配粥都幾好食,, 但如果有菜莆或者豉油會好D,,哈哈,,
我呢日見到有日本人唔食飯啦, 但食好多塊pancake, 仲不斷添食,, 哈哈  

去箱根平和庭園,, 又落雨...唉,,

又見到櫻花啦,, 又係成條路都係,, 好令呀,,~~

都係要洗手,,好冰涼呀,,

呢個就係平和之鐘, 每年年尾日本都會搵人敲,, 代表將呢一年唔好既野送走,, 希望和平之類,,
我地只可以出面影相, 上唔到去嫁,,~

則邊有個小鐘,, 敲響就可以許願,, 格離有個錢箱,, 入幾多你中意啦,,
不過導遊教我地入1個5yen就可以啦,, 5yen代表好運喎,,

唔落雨幾好呢,, 風景一定好令,,

路2旁放左由唔同國家送既石獅子,,
左邊係泰國,, 右邊係香港,, 我覺得最有型係泰國,, 其他都冇咩特別,,

呢個白色塔入面放左舍利子,,


觀音姐姐,,

大家快D唸啦,, 可以延命嫁,,

冇入呢個睇,, 好似都係寺廟黎,,

唯一得呢度有得買粟米湯,,  格離個部賣紅豆沙,,
仲諗住去到東京掃D返去做手信..點知一部都見唔到,, 好可惜,,

因為聽好多人講好好味,, 所以我抱好大既期望,, 其實都好味既,, 不過比我大大既期望爭D,,
如果多D粟米粒就仲好啦,, 哈~

食lunch啦,, 又係自助餐,, 已經冇期望嫁啦,,
其實呢度風景好令,,可以望到好遠,, 不過又係落雨啦,,
仲有呢座餐廳係風車黎,,  好可愛,, 食物質素都可以既, 係選擇普通D姐,,

之後呢part就精彩啦,, 搵命駁咁,,哈哈,,
去大涌谷,, 係富士山山腳,, 旅遊巴到左停車場仲落緊狗屎,, 真係好好好好大雨,,
同埋呢度都幾高,, 所以好應風,, 個感覺好似打風咁..
導遊話可以自己決定跟唔跟佢上去,, 不過冇理由山長水遠黎到唔去嫁嘛,,
濕就濕啦,,   一路沿住樓梯上去,, 我諗如果平時行應該5分鐘就到嫁啦,,
不過我地行到好漫長....

睇下我個樣就知幾狼狽,, 真係又凍又大風又落雨... 影呢張到此一遊相真係好難嫁,,


有熱力係地下,, 則係好似溫泉咁,, 不過應該太熱,, 佢地拎黎煮雞蛋,,
但因為有D化學野,, 所以D雞蛋煮完出黎會變左黑色,, 500yen有5隻,,
上到黎緊係要買埋雞蛋啦.... 得呢度先有嘛... 但做咩要用紙袋裝呢..
回程行到半路濕到穿左,, 不過預左嫁啦,, 所以都有心理準,, 唔好話我好做咩咁蠢唔兜住,,
因為係呢個橫風橫雨既時間係冇咁多手做咁多野,, ~~
最重要,, 食一隻呢個雞蛋可以長壽7年,, 連埋之前唸個延命10句唔知長左幾多年命,,哈哈
(放心,,同普通蛋一樣味, 我食左隻半,,)
都值得上去睇下既我覺得,, 唔係因為可以食延命雞蛋喎~~

變左落湯雞之後就直落去御殿場outlet,, 濕到咩心機到冇..
可能就係冇心機, 所以唔係好岩行,, 相都冇影,, 淨係影左呢張風景相,, 

終於返酒店啦,, 個人又濕又立.. 超級唔舒服.. 一D都唔記得訂左魚生船今日食,,
落去見到先記得,, 即刻開心哂,,哇卡卡,,
不過唔係講笑,, 我覺得幾貴嫁,, 要10000yen,,  
但.. 個個都食,, 如果我地唔叫, 見住人地有我地冇一定好唔開心..
第1次食龍蝦刺身,, 好好食,, 好甜好爽,, 呢次係唯一一次係日本食魚生個感覺好新鮮,,哈哈,,
可能係心理作用,, 成千蚊港紙嫁,, 一定要好食,,  我認我姑X寒~~

酒店房,, 都幾好~~ 係電視細左D,,

沖涼房同廁所分開,,

呢日係成個旅行過得最辛苦既一日,,不過可能就係因為咁,, 都幾充實~~

榴槤糯米糍

母親節個日送左札花比媽媽,, 媽媽好開心, 我都好開心,,
我地仲諗住母親節送花會好貴tim,, 點知又唔係啵,, 咁大札送埋貸都係$300,,
超值,,!  之後放工返屋企再整糯米糍,, 因為媽媽中意食我整既糯米糍,, 呵呵!!

今次 講包糯米糍,,
蒸熟攤凍,, 唔係熱屎辣辣點包,,

預備保鮮紙,, 2張手掌咁大到,,
"不"一匙糯米放上保鮮紙,, 隻匙可以濕小小水會易甩D,, 之後放上另一張保鮮紙,,
用手掌壓扁去,, 可以用隻碟幫手,, 唔好壓到透底呀,,一陣包個陣會穿嫁,,

屋企食淨D榴槤我用黎做餡,,唔好浪費呀嘛,,~~
如果包芒果個皮可以多少少,,因為硬身D,,

跟手連埋保鮮紙一齊拎起,, 好似餃子咁夾埋去,,
可以用快子幫手推D餡入少少,, 如果唔係D汁點到個邊就好難痴得埋,,

之後扭實個保解紙,, 咁就包實嫁啦,,

碌一碌椰絲,,

搞掂,, yeah,,

要包多d先熟能生巧嫁,, 我初初包個陣包到憫呀,,周圍痴,,
同埋... 唔好用膠手套呀,, 都會痴住嫁,, 我試過好多方法嫁啦,,暫時最好係保解鮮,, 如果驚穿就打孖啦,,

清水寺-子彈火車-懷石料理 Day 3 13/4

第3日,,

頭1,2晚住同一間酒店,, 早餐都一樣,, 哈哈,, 得呢D岩食,, 所以要食粥...
今日行程去清水寺, 之後搭子彈火車去大板,,

出發,, 沿途風景好令,,周圍D櫻花都開哂,, 好令呀,

我好中意呢D屋,, 好有風味,,

到啦,,

沿住呢條路行上去,, 2邊都好多野賣,, 不過上去參觀左先,,

入口,, 好多人呀,, 仲好多香港人tim,,

天氣好好呀,,

呢棵好令呀,, 係桃紅色嫁,,

入場卷,, 好似書籤咁,, 不過呢個入場卷冇時間冇日期,,
証明日本人好自律,, 如果唔係會比人循環再用,,

D建築物好令,,,

又係要洗乾淨先,,

祈求事事順利,, 身體健康,,

呢度風景好令,, 花花草草全部開哂,, 好舒服,, 下次同肥仔黎日本一定再黎呢度,,

都係比人許願,, 不過我見唔到邊度有得拎黎寫,,

上面仲有少少野行,,

睇下個風景幾令,, 好彩天氣好好冇落雨,, 如果唔係一定好掃興,,

呢3條係山水黎,, 分別代表唔同既意思,, 健康, 金錢同美麗,, 我好想排對嫁,, 不過太多人啦,, 唔夠時間,,

則邊有得食烏冬, 飲下茶抖下,, 如果黎自由行就好啦,, 可以慢慢嘆下,,
格離個2隻龜龜平排排係塊石上面,, 好搞笑,,我初初仲以唯係假嫁tim,,  

 

得返半個中行街咋,, 爭取時間,, 不過都買左雪糕食,, 綠茶味同櫻花味,,
綠茶好好食,, 一D都唔苦,, 但櫻花味冇味,,哈哈,, 不過好滑,,   

我終於見到多多龍啦,, 好開心,, 不過得呢幾隻咋,,

多多龍比人扎住左,, 哈哈,, 不過好大隻呀,,!!

見到有綠茶小龍包,, 唔知佢係咪講中文嫁呢.. ?!  

呢個係好似係劇院,, 就份呢度入面食午飯,,格離係京都JR站同伊勢丹,,

自助餐冇熟食.... 全部都沙律生果,, 得1款意粉,,

算啦,, 食完飯,, 導遊帶我地上伊勢丹14樓望風景,, 唔.. 因為塊玻璃有D蒙同埋有D茶色,, 所以其實唔係睇得好清楚,,
之後自由活動行陣街,, 樓下有間類似超市既百貨公司,,都幾多野睇,, 
格離張相係火車站頂,, 唔洗開燈,, 環保,,    
 

地下街,, 其實都好多鋪頭,, 不過導遊話D衫佢都唔岩買,, 所以可以略過,, 落黎望一望就走啦,,

夠鐘集合去搭火車,,

我地搭子彈火車去米原, 旅遊巴係米原接我地,,

準時到達,, 準時開車,,

子彈火車好定,, 都幾舒服,, 好似係深圳搭去廣州個D火車咁,,不過闊D,,  

搭完火車都仲要搭一段時間旅遊巴先去到我地住既酒店,,
呢晚住溫泉酒店,, 大堂好大,, 不過有D舊..

上去放底行李就落去食晚飯啦,, Yeah Yeah Yeah,, 懷石料理,, 好期待,,
好多野食呀,, 有魚生有沙律有烏冬有鰻魚有蒸蛋,, 總之就好多野食啦,,哈哈,,好滿足呀,,~~

食飽飽上去抖下,, 之後落去浸溫泉啦,, wow,, 赤裸裸,, 溫泉則邊有好多位置比你沖乾淨先浸,,
第1次浸溫泉, 唔... 冇咩特別,, 好似浸緊熱水咁.. 但..浸左一陣頂唔順啦,, 有D難透氣.. 離開lu,,
買左鮮奶返去飲,, 諗住聽朝飲,, 點知放入雪櫃個雪櫃冇插電制... 第2朝先知,, 好彩冇壞,,哈哈~~

呢間酒店房係咁多日最大嫁啦,, 都係個句啦,,乾淨光猛就得啦,,!!