花蓮-曼波魚-太魯閣

唔好比佢停,, 繼續寫寫寫,, 黎到第2日~ 早一晚民宿媽媽會問定你大約幾點起身,,
佢會預時間預備早餐~~呢日係西多士,,好好味啊!!
新鮮生果+沙律~~仲有紅豆沙同埋無限量供應既紅茶!

花蓮既生活真係好舒適,, 一路食早餐一路望住對面婆婆掃地,, 好爽呀!!
仲有,,, 冇落雨啦~~ 雖然有好多雲,,但都見到有藍天呀~

食完早餐民宿老闆帶我地去玩囉~~佢叫Peter,, 好高大威猛嫁,,哈!!
除左我地住個間塞維爾之外,, 仲有另一間民宿Holle 都係佢開嫁,,
專係比背包客/單車友住,, 所以有好多外國人嫁!!
一去到就見到呢隻肥野,, 真係肥得好西利黎,,! 佢叫胖打,, 係生招牌黎嫁~

Peter帶左我地去食牛肉麵,, 好重牛肉味,, 我麻麻,,

之後去左海邊睇燈塔,, 呢度好正呀~~ 有山有海,,一大片草地~~

跟手去左睇曼波魚,, 我們只係係海邊望下咋~~
個海有3隻色,, 好明顯嫁~應該係咸淡水交界,,
我見過係海中間,, 但就未見到咁近岸邊都有咸淡水交界~

好啦,, 終於到今日既重點,, 去太魯閣!! 肥仔話好宏偉一定要帶我去~~
好彩冇落大雨咋,, 如果落大雨就去唔到啦,, 因為會有危險,, 點危險法? 睇下就知啦~~
揸車上山半個中到啦,, 之後就一路沿住山路一路睇一路行,, 但我地以車代步!

有好多蝙蝠洞,, 應該係特登整既,, 因為D窿窿係人工野黎,,

睇下幾多危險牌,, 就算唔落雨都有風險嫁,, 所以落大雨真係唔好黎啦,,

真係好宏偉,, 話說呢度本身係一座好大好大既山,,
經過年月既洗禮就將座山分開左2半,, 唔知岩唔岩嫁!!
但呢度有好多隧道係D山窿入面,, 所以都唔出奇既~~ 大自然既威力真係好大!!

沿住太魯閣既山路仲有其他野睇既,, 不過冇咩特別所以相都冇影多張,,

成個太魯閣大約遊左2-3個鐘啦,, 但我們係以車代步呀,, 我見好多人都係行嫁~~
當然如果唔怕支力我都建議行嫁,, 始終可以睇得仔細D,,
我諗都要預半日時間係呢度啦,,真係好值得去嫁~~

傾計講起坦克車,, 我地話未見過~~ Peter 就帶左我地去睇啦,,
格離係軍事重地,, 我地影緊坦克車個陣D軍人叫我好唔好影佢地個門口,,
岩岩叫我地個陣有D客親嫁,,唔知做咩嘛,,, 不過其實佢地叫得好nice既~~

好,,, 呢個先係主角,,哈哈!!係坦克車斜對面,,呢隻米老鼠個樣好young~Peter 話上面係個公園,,
但冇野睇叫我地唔洗去~不過見到隻米老鼠咁既樣都有D好奇個會唔會有崎尼米妮呢,,?!哈~

睇野睇左大半日又去醫肚啦,, 我叫左魷魚羹,, 肥仔食豬手飯,,

食飽飽就送我地返去啦,,又見到胖打~你真係好胖呀!!格離隻叫寶貝住係塞維爾,,佢好識嘆嫁~

夜晚我地又出左市中心行,, 今次早左多D野睇啦,,~ 呢度都有江南大批發,, 岩哂我呀!!
仲有買左D手信,, 搭車返去個陣見到路邊有間食鴨肉好似好正,,
我地記住條路諗住返去放低野就踩單車去食,,點知.....
我地來回起碼5,6次.....完全搵唔返間野!! 最後太夜要放棄.....
又去返7仔買關東煮, 好彩頭先係市中心買左鹽水雞都冇咁dry,,不過最獲氣....
落狗屎囉.....超狼狽呀!!! 係咁踩踩踩踩返去...!! 真係激死人,, 好野又食唔到,, 又要淋雨,,
好慘呀~~ 不過諗諗下,, 呢個經歷又幾特別既~~

2日花蓮之旅完結啦,, 之後2日返台北~~下次再講!! bye~