聚一聚意粉屋芝士火鍋

我地呢班中學好姊妹每一個月到就會聚一聚,,所以我地既感情十分十分好,,
今次去食意粉屋芝士火鍋~ 一人一個酥皮龍蝦湯,,酥皮好好味!!

我覺得呢個芝士好味過pizza hut,, 佢有D香草味,,唔會咁單調~

材料呢度都好味d,,~薯條係脆嫁,,好正!! 有辣肉腸,,有D辣,,但幾好食~
肉丸都幾新鮮,,起碼D肉唔係實嫁先!! 個菇好爽脆,,不過我麻麻呢隻味,, 呀~ 應該叫菌先岩!!



薄牛扒,, 都係跟芝士火鍋,, 唔...有d un... 麻麻地~


呢個法包點芝士超好味!! 一流呀!!



呢個..唔知叫雜咩.....唔岩我地口味...


有龍蝦意粉,,隻龍蝦唔好食,,怪味既!! D汁又唔夠撈意粉~

煙三文魚,,正常野~~



呢個好味~~ 我中意食寬面~都幾多海鮮~~

合照,,差一個... 條友去左睇樓..



好朋友唔一定要成日見既~~

有果實啦!!!

寶寶農場更新一下先,,
之前"蚊"哂舊個D都再種新,, 有櫻桃蘿蔔~出左好大塊葉啦~不過其實我唔知D蘿蔔係邊度生出黎..



車厘茄高左好多啦,,~ 不過唔知點解塊葉有D枯,, 但又繼續長喎,,所以我冇理佢lu~~
格離個蓄茄都終於高左啦,, 係之前個盤一D反應都冇..

呢棵又高左好多啦~~但D葉又係卷埋一舊,, 都唔知點解,,

哇哈哈,,好高啦!! 高過枝竹啦~

前2日再望下... 呀~~~~~~出左果實啦!!嘩嘩嘩,,勁開心~~
終於有D成果啦,,冇白費呀!!!

同埋!!! 終於冇蟲蟲啦!!!!!好野!!!枉我日日咁樣捉~捉到雙豆雞啦!!
真開心~~

撐船仔釣魚

前排有D唔開心,,不過我係樂觀既陳寶,, 好快就會冇事!!
呢日去爬艇仔,,見天氣熱返D就去啦~~
知道阿福搬左去屯門...無得見佢啦....

自拍一下先~今日天氣好好,,有少少風,,唔凍又唔熱!!係度吹海風VERY GOOD!!

呢個肥仔爬完去程之後全部都係我爬嫁,,我似模似樣~仲一D問題都冇,,速度好快tim,,~

佢好爽喎,,一路釣魚一路吹風一路食芒果~~

收獲好差,,得小貓3,4隻~~最後放生!! 不過中途釣左條好令既魚呀,,
好似D熱帶魚咁~~ 以前好多石狗公釣嫁,, 近呢年一條都冇..

日落好令呀,,呢度冇野遮住,,睇得好清楚~坐左一陣就走啦~~

過幾日又涼返,, 又冇得去住lu...

富山

上兩星期放工去富山食晚飯,, 好耐冇食啦~ 之前有段時間每次大家姐返黎食飯媽媽都話去呢度..
食到厭左...  之後經我地極力reject 就冇食啦,,~ 而家再食質素依舊,, 還好還好~~
蟹子沙律,, 而家得好細碟... 以前用碗裝有一大碗...



鐵板帶子,,好大隻~ 不過好重黑椒味,, 麻麻啦~ 以前好似唔係咁樣...

新野~ 鰻魚pizza,,  個皮好脆卜卜,, 加埋沙律醬好食~

芝士年糕,, 我好中意食~ 無論去邊間餐廳都好,,一見到都會叫,, 不過半個起1個止,,
因為真係好濟.. 又要襯熱食,,但咁早食又會濟到唔想食其他野.. 好矛盾呢~

其實我地目的係食壽司!!



海膽海膽,,好多呀~~~

呢個燒豪壽司好好食嫁,,都幾大隻~~ 呢排開始中意食燒蠔,, 好好味!! 

呢條友係咁叫我影佢相.. =.=

最後食淨pizza打包返去~ 唔可以浪費!!
呢排用左超超超多錢..... 又要節約一下啦!!

台灣杯麵

上次去台灣買左D杯麵返黎,,~ 係呀! 我去旅行好中意買杯麵,, 試下呀嘛!!
呢個係統一牌~~ 之前都試過,,不過唔記得咩味啦,,所以再買,, 我中意食新竹米粉,,!!
味都OK啦,, 但肉燥得好少好少.. 多D就好啦~ 不過咁既價錢唔好要求咁多啦~

美極牌栗米湯,, 我係香港未見過.... 粟米火腿唔算好多,, 佢建議加水既份量我覺得多得濟,,
搞到有D淡,, 不過都可以接受,, 幾十蚊台幣,,入面有2包~4月再去可以買第2隻味試下~~
係呀,,我4月又去~ 哈哈!! HK AIRLINE 特價飛唔岩時間,, 見到港龍$1500,, 即買!! 哈哈~~~~

入返正題,, 我用左黎煮烏冬,, 都夠撈一個麵既~~ 加埋蛋花,, GOOD

蜂蜜蛋糕

以前放假係屋企冇野做成日都整蛋糕,,而家放假係屋企要做功課.. 好耐冇整過啦!
有日早左起身,, 見到本食譜係木台面,,打一開就見蜂蜜蛋糕,, 醒起肥仔媽媽之前比左D蜂蜜我,,話D蜂蜜堅過石堅~
拿拿林試整~~ 原本食譜要8隻單... 我雪柜岩岩有8隻~ 不過費時用哂所以減左份量用6隻~

加糖熱水座住用打蛋器打至稀調,, 其實我夾埋整左2次,,~ 第一次唔知咩叫稀調,,
話叫稀則係唔係杰啦... 所以打到D糖溶哂就算啦..,點知焗到出黎好似磚咁硬,, 媽媽仲話:點解你整左咁多年蛋糕都可以失敗,,~~~

下面個張用打蛋器打,,打左成10-15分鐘,, 起紋就應該ok啦,,~

就係呢枝勁野~~好香嫁!!

呢個就係第一次個個磚頭,,個樣好令嫁~ 哈哈

第2次呢個就成功啦~ 個樣都ok呀~~ 同樣既份量,,但打起左個蛋可以焗多一個細既!!

唔食得都睇得呀~~ 不過焗耐左少少有dd硬.. 但可以接受既~

睇下幾令~~有需要我先post 食譜啦~~

寶寶農場有蟲蟲

寶寶農場好耐冇update啦,, 鬼咩.. 日日都係度捉蟲.. 真係捉蟲呀,, 係逐條逐條捉唔係講笑,, 呢壇野一陣再講!!
講下成績先,, 呢盤係蕃茄,, 最令係佢嫁啦~ 我好比心機對佢好大期望嫁,, 希望真係種到啦!!
第一幅係去完旅行影嫁~ 其實一路我都放係地下.. 不過呢排轉左放上面.. 嘩!! 即刻生得勁怏!!
陽光真係好緊要!!

呢棵都係蕃茄,, 不過冇前面咁令~~ 但都幾好嫁啦!! 其實點解d葉會卷埋嫁呢...



高個2棵呢個係新既,, 車厘茄! 另一棵都係蕃茄,, 個邊唔夠位所以搬左黎呢度~

豆苗呀,, 人地明明話種15日到就食得, 但媽媽死都唔比人札, 話等D葉再生大D先..
但等極都係咁細塊... 不過媽媽琴日話得閒佢就札嫁啦!! Yeah,,
下面都係蕃茄,, 好多蕃茄呀,, 因為之前灑左一堆,, 點知發左咁多芽,, 哈哈!!
不過地下唔夠光,, 未必種到....

白菜同菜心放棄左啦,, 買材料個叔叔話種禁耐都種唔到就冇嫁啦喎..
放左新種子,, 有櫻桃羅白同羅馬生菜~~ 放左2日,, 暫時未發芽!!
好,, 講蟲蟲啦,, ~ 好嬲!!
話說前排回暖,, 多左D唔知蚊仔定烏英仔,, 不過冇咬人就淨係買左痴蚊貼就算啦,,
不過呢排D菜冇啦啦有隆隆,, 有D直頭冇左半塊葉tim.. 好奇咪了下D泥睇下囉...
點知了下了下見到有蟲蟲..仲唔少tim..
總之如果塊菜痴住D泥既話就會有囉.... 勁唔開心!! 晚晚捉10幾條..
所以前幾日出左旺角求救,, 我係咁問個叔叔個D係咩蟲..比埋相佢睇,,
佢淨係話,, 哦~~ 用呢隻得嫁啦!! 問幾次都唔肯話我知係咩蟲.. 不過最後都買左..
$50,, 算啦.. 試下啦!! 係茶籽粉,, 話係天然野~ 以前D人用黎洗頭,, 媽媽都係咁講,,
所以都放心D,, 驚用完唔食得嘛!





前日翻過D泥再放左茶籽粉重新黎過,, 而蕃茄個D就係放左係面,,
但我琴日見到有塊蕃茄葉跌左係D泥度,, 又冇左半塊... 了下了下...
見到一大堆... 係用堆黎形容... 仲係根個附近.... 要用匙更不.......嗚呀....
唔好食我D根呀...!!  琴晚再上網睇... 終於搵到啦..原來個D蚊蚊係黑翅蕈蚋.......唔知咩黎,,
係會係暗,,濕同有機既泥同肥料好易生存..仲繁殖得好快....
D蚊蚊就係佢地既幼蟲.........OH MY GOD..  個茶籽粉仲寫住有機tim....咁咪仲助長佢....
我而家唔知點算... 好驚我棵令令蓄茄冇哂..... 

一田粉皮

我唔係鬧人呀,, 鬧人我好少用粉皮嫁.. 哈哈!!
我發現呢排update既好多都係食食食,, 禁人地我真係好中食野嘛,,
前幾日同肥仔出沙田行街,, 因為夜晚去巴希確, 所以打算食少少野就算啦!
去左一田買少少野坐係出面食,, 其實我都幾中意咁既形式,, 但唔知點解中意~

有三文魚卷,, 我前晚都係去一田買,, 不過係特價壽司$8,, 呢個要$18,, 

其實決定係一田買野食係因為見到呢個雞絲粉皮,, $4x,, 都幾大盒..
最後發現起完肉個D骨係個底度,, 所以好似好多咁..
不過估計都真係有半隻雞既,, 價錢ok啦, 如果有汁撈就好D~~



有甜品,, D糯米飯好硬....

首爾

上星期5放工同Becky 食飯，太和附近有間首爾開左一段時間都未試過！
叫首爾緊係食韓國野啦，我中意食韓國粉絲，不過賣哂，好失望！
2個人叫左4個餸，冇叫石頭窩飯，好似好飽禁。
呢個係鐵板牛肉，$98 味道幾好不過份量唔多，都幾貴...

煙肉年糕，入面包左2條年糕，食一舊就已經好濟..雖然好dry，不過好香口！



冷面，見個樣同粉絲差唔多就叫啦~
不過唔岩我口味，D汁太多搞到好酸，類似係泡菜既味，但冇咁辣，我食到既辣應該好多人都食到~因為我少少辣都唔得呢，呢個我可以食少少！

最好食係呢個，唔係叫壽司係叫紫菜卷，好好食！入面D餡好岩味,, 有黃瓜,, 所以食佢會好開胃,,但之後就比煙肉年糕KO左,, 哈哈!!

總括黎講都唔錯既，下次可以再黎試下其他，今次消費每人大約$120..
唔,, 我唔知算唔算正宗啦，對我呢D大鄉理當係嫁啦，所以價錢可以接受!