Clarisonic Mia 2

一篇要急不及待寫左先,, 係剛過去左既生日,,
收到一份最岩用最岩心水既禮物,, 其實自己有份揀的XD 就係Clarisonic洗面機啦!!
之前見有人介紹好似唔錯,,自己再做下research見D人個個都話幾好,,
所以前一排已經決定下個月買當獎勵自己嫁啦,, 不過咁岩有生日禮物揀,, 呢個係其中一份,,
十分唔客氣地要求,, 哈!!  真係多謝哂~~

講返部機先,, 我係好運中心買,, 有4款,, 其實只係連body同速度既分別,,
所以我揀左mia 2~ 有2種速度,, 我之前明明見過有桃紅色,,好鬼令~
但sales姐姐話冇,, 最後買左粉紅色,,

跟機包左以下既野,,  火牛, 一個刷頭, 一枝洗面膏, 膠盒!!
叉電好先進,, 部機下面有2個粒位,, 將叉電個度痴上去就得啦~
應該係用磁石既原理吸住,, 我未試過~ 但好似好牙煙咁,,! 一開始要叉24個鐘先~
之後叉5-6個鐘就OK啦,, 但叉哂電都唔係用好耐嫁咋,,
D人通常話用到12-14次,, 1次1分鐘,, 則係用得14分鐘,,哈~
而個刷頭就係敏感性既~~

影相好似好大咁,, 不過拎上手用就岩岩好~ 係防水既~~先濕濕刷頭先,,
洗面膏唧係上面,, 可以用手輕輕搽混刷頭,, 感覺上會平均D!
仲會有時間提示,, 20/s(額頭) > 20/s(鼻+下巴) > 10/s > 10/s (各一邊面頰)

另外仲配多2個刷頭,, 一個同跟機一樣,, 另一個係深層清潔, sales姐姐話一星期用2次深層,,
同埋刷頭3-4個月就要換,, 好似牙刷禁樣啦,,

為左配合洗面機,, 我特突買左枝新既洗面膏~我用開fancl好多年啦,, 但因為係洗面粉要自已先起泡泡所以唔太方便,,
睇廣告知道有肌研,,我成日去log on睇,, 但次次都冇買~而家為左要用洗面機就立即買啦,,
萬寧$69,, 有試用裝送~~

我夜晚先用洗面機~朝早用返手洗,, 岩岩用左2晚感覺幾好,,洗完好清爽,, 同埋唔知係咪心理作用,, 我覺得洗完面搽野快左吸收~
為左比較效果,, 我什麼都不怕~~ 請有心理準備!!
v
v
v
v
v
v
v
v
v
哈哈,, 拉細d張相先~~ 費時客親! (唔洗理我件睡衣XD)
見唔見我塊面....就黎爛咁濟嫁啦~~我都唔知點解會咁,,仲要得一邊嫁咋喎,,另一邊好地地~
呢壇野都困擾左我成年,, non-stop咁生暗倉,, 好返又生過好返又生過,,
我去做facial D姐姐都話好西利..@@!
而家D印好明顥,, 所以都真係要搞搞去嫁啦,, 我相信都應該要換下護膚品,, 終於有決心啦~

講埋價錢啦,, 我係沙田買,, MIA 2 原價$1050, 有95折折左$998
刷頭$135/個,, 都係95折, 2個夾埋$257~
邊間唔講啦,,係好運中心唔會好難搵~ D機放到周圍都係嫁~
個sales姐姐超sales得,, 去呢D都預左比人sales嫁啦,, 估唔到咁西利~
總有位入既,, =.=

好啦,, 遲少少再update 效果啦,,!