ETUDE HOUSE 鼻貼

之前係ETUDE HOUSE買左幾貼鼻貼試下,, $5一塊~

洗乾淨面,, 鼻上沾少少水,, 我貼左大約5-10分鐘就撕出黎啦,,
有好淡既綠茶味,, 聞落去幾舒服,, 我見人地話會暖暖地,, 但我feel唔到..
哈,, 個樣有少少衰~

相機壞左用電話影得唔係咁清楚,, 呢次第1次用我驚撕出黎好痛所以唔係沾左好多水,,
所以唔係貼到好多出黎,, 但真係痴到嫁,,
第2次沾多少少水,, 嘩,, 貼到勁多出黎!! 不過自己因啦,,
一陣整痛自己,, 我就唔係覺得好痛啦~
同埋我唔建議成日用嫁,,始終撕出黎有力度對皮膚唔好,,
仲有撕完就要收返毛孔喎,, 我就用凍水敷下~ 貼之前都可以用熱水敷下等毛孔大左先,,
冷縮熱脹嘛!!

我仲買左敷眼同下巴,, 下次再分享下!!

Cityinn+手信篇

今次同媽媽去台灣揀間方便淨乾既酒店,,一諗就諗呢間啦~~ City INN住過印象都好好~~ 其實應該唔係叫酒店,, 係旅館先岩~~
上次住台北車站個邊,, 今次住西門町,,因為車站full哂lu...!
呢度係入面,, 好大個門口喎~~

門口有隻馬~~

呢幅掛畫最令~~

間房唔算大,,但勝左乾淨企理~~原來我淨係影左呢張,,哈!!我地第2日轉左4人房,,大間好多嫁~

以下呢幾張係之前住台北車站個間影既~~

廁所雖然冇浴缸但十分乾淨,,

哈,,係亂左少少嫁啦~~~

今次買既好多都係野食,, 麵都買唔少,,哈!! 阿默既峰蜜蛋糕好好食!!
台北車站有好多唔同既蛋糕鋪好多野賣!! 大家可以去睇下,,買手信最岩~
同埋係光南大批發買左好多岩哂我整蛋糕用既袋,,其實屋企仲有好多,,不過我見令又會係咁買...
仲有係五分蒲買左對鞋岩岩做特價,, 200台幣~~ 正野!!!

終於寫哂我個family trip 啦~~下一次寫去台東啦!!

旭川居食屋

大埔開左間居食屋一段時間,, 終於可以去試下!!岩岩收工去撞正有特價,,VERY GOOD~~

見到板海膽唔算好貴,, 係馬糞~ $128 好甜呀!!

叫左D串燒,, 翠玉瓜有D咸,, 但可以接受既~~
我最中意煙肉車厘茄,, 一咬落去爆汁出黎個下好正~

鰻魚燒飯團,,好好食!!

唔記得咩薯餅,,但我記得好味好脆~

炒飯都唔錯!! 粒粒分明既~~

營光魷魚,, 係個D咩佐酒小食,, 不過我唔識欣賞,, 咸到乜咁...

Ruby Tuesday

前排Family day 去左Ruby Tuesday食飯,,一路都知道去Ruby Tuesday一定要有VIP card 先抵.. 不過我地又覺得可以試下先~~
BOOK左位,, 但個日唔算多人唔洗等~~ 去到見到有得即時join 會員~~
經過討論後,, 最後join左半半期,,我地計過會費加今餐半價差不多=正價,, 下一次就可以半價了!
叫左洋蔥圈,, 好好食!!! 有D似TrIple O's 個D洋蔥圈,, 我好中意食!!
格離個個唔記得左咩餅...好似係蟹餅咁之類~~

牛扒我地叫左最貴個隻,,但我反而覺得outback 肉眼扒仲好味,,哈,,可以我唔識野姐~~
芝士薯條都唔錯~~大部份都係脆既,, 不過好似太多會食飽哂 ><

燒雞凱撒沙律,, 燒雞比outback好,, outback好乾...

仲有叫豬仔骨,, 我麻麻地呢D太濃味既bbq醬,, 個焗薯係跟餐~~

最後有意粉,,呢個好好味,, 岩岩好D汁包住意粉~~

總括黎講都唔錯,, 不過如果冇VIP就真係幾貴~~

良品牛肉麵-甜吧(Family Trip Day 4)

行程既最後一日,, 去台灣唔可以唔食牛肉麵呀~~ 不過九豐記冇開,, 去左食良品牛肉麵,,

我唔食辣所以叫清燉... 我覺得好"流"..最後食左2啖食唔到... 家姐中意食紅燒~~
我同肥仔都係中意九豐記多d,, 九豐記有蕃茄牛肉麵,, 好好好好味嫁!!!

仲有叫左煎餃子,, 其實我不太愛餃子,,

之後去左行江南大批發,, 江南大批發同良品其實好近,, 不過個D窿窿拿拿我會盪失路,,
我要爭取時間,, 因為肥仔話想去誠品~ 所以我極速行完就分道揚鑣~~
見有少少時間去左甜吧坐低食個蛋糕~~ 係amba hotel下面,, 室內好似得2張枱,, 我地揀左出面,,
我叫左蜜桃茶加多件香蕉蛋糕~~ 佢既蛋糕唔算好好食,, 不過坐低都可以叫黎試下當小食食~~
我中意佢杯上面個個心心塞,, 好得意~ 不過收起去又唔知要黎做咩好!

買埋鹽水雞就要返酒店集合啦~~book左車出機場!! 勁快.. 我諗半個中到就到~
咁就完成左第1次4天TW family trip,,

其實今次去既大部份地方之前都去過,, 不過媽媽爸爸第1次去緊係帶佢地去D出名D既地方啦,,
希望下一年新年時間都可以去到啦~~
下一次講酒店同手信!!

鴨肉扁-糖村-饒河街夜市(Family Trip Day 3)

行程既第3日,, 我地住係西門町附近,, 斜對面就係鴨肉扁啦,, 緊係要帶佢地去試下啦!!
上次黎個門面好似冇咁令,, 不過入面同之前係一樣樣既~

叫左半隻鴨,, 腎呀等等,, 我好中意食台灣既新竹米粉,, 好好味!!
不過我竟然食唔哂... 因為真係濟左....冇講笑~

家姐男友要求去食阿宗麵線,, 冇問題!!


對面有車仔賣呢個,, 唔記得叫咩名~~不過食落好似大菜糕,, 但有少少茶味甜甜地,,
都幾好食!! $20台幣


係西門町行左陣就去搭捷運去忠孝敦化,, 去糖村買牛奶軟糖,,~ 我未食過但個度有得試食~唔痴牙幾好味啵,, 做手信就最岩啦~
佢有2間鋪係格離,, 不過2間賣既野有唔同,, 所以大家可以睇哂2邊先買~~
我去個間係台北市大安區敦化南路一段158號,,係台北車站搭4個站就到,,搵岩出口一路直行就見到啦~

忠孝敦化站有地下街,, 不過唔算多野睇,, 但有得按摩,, 買完野我支力得濟走左去按腳...
痛到我呢....... 最後按完仲痛..因為發哂出黎... =.=



按完之後就去左5分莆...經過間蚤木魚走左入去食下午茶,, 我終於有屎意啦!!
..........我個2日日咩都柯唔到!!即刻搵廁所.....舒服左少少咁多啦~~
我支力到想死.. 又濟住濟住所以一張相都冇影到.. ==,, 而家後悔啦,,
個蚤木魚魚皮好好食嫁!! 由搭捷站行去5分莆條路就會見到,, 係7仔格離,,定唔知family mark,, 總之係便利店啦!!
我爸爸媽媽讚不絕口~~ 行完5分莆之後再行去饒河街夜市... 係行..!!
我諗識路應該唔洗行好遠..不過肥仔認錯路兜左個圈... 終於到啦~~~
去食台式鐵板燒,, 正常價錢~~


我地叫左幾個餐,, 佢主動同我地share~~ 原來我又影得咁少.... 其實仲有牛有雞有蝦等等等......飲品自己針,, 任飲~


肥仔話要去食燉排骨,, 係藥材燉,, 冬天食就正爆啦~~ 不過我一D謂口都冇....

行下睇下野,,~ 有得彈波子,, 呢個幾好玩呀!! $10台幣1鋪,, 最叻個個中左包檸檬茶~

而家睇返好後悔...點解我影得咁少相..~ 不過我次次都係咁,, 去到旅行尾段通常冇左件事~~

金瓜石-黃金博物館-九份-基隆夜市(Family trip Day 2)

第2轉台灣都去完都未寫完第1轉,, 哈!!
呢日係第2日,, 去金瓜石再落九份再落基隆,, 呢個路線十分順路~
搭台鐵去瑞芳轉車,,有2個冇位坐...就係我同肥仔啦~~ 不過冇所謂啦,, 我覺得坐係台鐵地下食便當好有風味~~排骨便當真係好好食!!!!



好好天呀,,一D雲都冇~~

呢個以前應該有車長叔叔坐既~~


40分鐘到啦,, 岩岩好食一個便當既時間~~

有指示,,出到去斜面對就會見到有人排隊嫁啦,,排個到就岩啦~~ (真係一出去就見到啦,,唔洗擔心)去金瓜石同九份係同一架車,, 不過到九份之後先到金瓜石~~

大半個鐘左右到啦~~ 最後個站落車就係黃金博物園區!!

一去到就見到有架BMW警車.. 肥仔見到即刻心心眼~~
點知警察叔叔話可以坐上去影相!! wow~~台灣D警察叔叔好好人呀~~

估唔到呢度有櫻花睇,, 望住呢個風景再睇櫻花真係好正!! (唔好意思我個樣拿埋左一舊...其實個陣好曬又好熱..)

行完樓梯有D喘氣~~坐低食碗豆花消下暑先~~呢個時候食咩凍野都覺得正嫁啦~~

食完入去本木五坑參觀,, 上一次寫過今次唔多講,,
可以睇 > 呢度  入場費$50台幣,, 入去之前要帶叮噹帽~~ 哈!!

睇完一出黎就見到呢個令景!! 真係冇得頂呀~~

之前有個淘金工作坊而家冇左啦,, 如果想淘金可以去淘金體驗區,, $100台幣,,
不過佢有指定時間同要book,,
所以去之前可以去佢網站睇睇先,,  想睇我之前淘金都可以睇返我之前寫過既blog,,
行左2個中到就落返九份啦~~ 都係搭返同一架車轉幾個灣就到啦~ wow,, 好多人呀~~

媽媽去左睇鞋,,我地緊係坐底食住芋圓等啦!! 真係好好味,, 買返屋企永遠煮唔到呢個味~

同埋同埋,,,呢度既山豬肉腸係最最最好味!! 係轉灣位細細間嫁,, 真係同其他既唔同!!
呢度係十級好食~~

行下睇下風景,, 哈!!有貓貓係度哂太陽,,好得意呀!!

兜個圈就落返基隆啦,, 可以襯少少時間恰一恰~ 小休一會再作戰!!

呢個姐姐既炒粉絲同魷魚羹好好食嫁!!

再黎油飯蟹似羹,, 真係冇得頂!!

再去食海鮮,, 哇哈哈!! 正呀~~ 不過食完呢餐之後我就濟足成個trip..

咁岩唔知係咩節,, 有布偶睇~~ 我好似係第一次見呢D野!!

食飽飽就走啦,, 係基隆港吹吹海風,, 等家姐佢地襟錢~~

最後搭火車返去lu... 其實咁耐我都未搞得清咩鐵打咩鐵... 回程大家都支力到訓哂啦!!

返到CITYINN 後我地自己出左去家樂福shopping,, 哈!! 台灣家樂福我就第1次去啦,,
個款同泰國BIG C 一樣樣,, 咩都有得買~~
最好笑係我地個個買完1袋2袋費時行諗住搭的士返去~~
一截到的士我地個個衝哂上車,, 肥仔坐車頭我地4個逼左係後面,, 家姐男友諗住蚊住前面個坐位個"i pan"蚊自己前D..
點知一野渣左落司機個頭到,, 哇哈哈!! 我地係咁笑笑笑,, 肥仔一路同司機講野冇理我地,, 我地又冇理佢繼續笑笑笑,,笑到肚痛!!
到落車肥仔個陣話我地知.. 原來架車坐得4個人,, 我地5個人衝哂上車,, 司機同肥仔講話會比人抄牌嫁..
但唔知點解又開左車..哈哈!! 我地全部冇諗過呢個問題,,  成壇野真係好好笑,, 到而家我地都仲笑緊~~