LCX宮崎駿展覽

 嘩嘩嘩,, 宮崎駿係香港有展覽呀!!我有十級開心,, 因為我真係好中意龍貓~~
仲有仲有,, 係香港開專門店呀~ 我開心到想喊咁濟~~
雖然個展覽唔係好大,, 但我作為龍貓fans緊係要去啦~~
一去到海港城就見到大大隻龍貓同我say hello,,



又有大大張海布~~呢個同我油數字畫一樣樣嫁~

有D龍貓產品既展覽,, 筷子套裝同埋雙層飯盒我都有嫁,, 不過個飯盒蓋比我叮到溶左阿媽擲左...我好唔開心!!! 我會再買返嫁~~ 好可愛啊,,

我帶左細棚出黎,,係度攝鏡~

仲有d電影既圖片,,

呢度有個少少布影板,, 係龍貓等巴士個度呀!!
有人幫手影相仲有遮tim,, 哈!!

我個日去個陣專門店仲未開,, 琴日開左我自己一個走左去!! 有超大隻龍貓係門口呀!!!
不過好多人,, 影唔到合照,, 夜晚等肥仔收工再去岩岩截龍尾... 好失望!!
留返下一篇再講~~~

豚組again

上個星期放孖day,, 約左大戰4方城~~
不過都係要食晚飯先,,~ 落左家樂下面睇下有咩食~ 我地揀左最少人等位個間,,
哈哈,, 就係豚組啦,, 不過唔知點解,,明明係食吉列豬扒.. 但冇啦啦多左西餐食....
我麻麻地中意呢d形式,,好似好雜不甩唔專心做佢地專長咁,,
but..可能淨係賣吉列豬扒唯唔到皮掛..
但我地都係叫返日式野先~~ 芒果蟹子沙律,, 好細碗,,
不過都有3,4塊芒果,,算係咁啦~ 個沙律汁好味!!
一定要食芝士年糕,,真係不得了,, 我食過最好味~~ 好似上次講過,,哈!!
不過我建議可以最後先叫..因為食完有d"流",,

今次叫左白豚試下,, 好似$14x,, 唔.....唔係唔好食.. 但我唔知同普通豬扒有咩分別,,哈!!
係我唔識姐~~ ok啦,, 同埋其實一個人真係食得哂?? 我有d覺得dry...
不過我好中意食椰菜沙律~~~~~

另外仲有叫左鐵板帶子,, 冇咩特別啦~ 不過薯蓉幾好味~~

食完之後,, 又冇話因為有西餐而差左既,, 不過見格離食西餐我食吉列豬扒定食,,有d似foodcourt,,

女皇唱將演唱會

一早要求11/6 返早,, 睇下有冇得睇JOEY~~
到臨放工6:55分先知有飛,, yeahyeahyeah,,
本身其實我唔記得左,,仲約左肥仔食飯tim~~ 最後有得睇即刻放左佢飛機,,哇哈哈!!
炸炸林仆到去,, 7:45 開始係會展,, join埋家姐,,我地8點半先入場.. 但竟然岩岩好開始,,
都預左實遲嫁啦,, 但估唔到都遲幾多~

坐斜台位,, 睇電視嫁咋,, 好過冇啦,,~

我去係因為有joey,,~~有連續劇聽,,好正!!
不過羅力威唱live都唔錯~~

東京築地拉麵

有次係旺角經過雅蘭見到有間拉麵門面幾好樣就衝左入去啦,,
原來係東京築地拉麵,, 之前都聽過下既,, 我地食下午茶,, 不過見menu又唔算好貴,,
我地叫下午茶餐,,小食有半價,, 好抵啊!! 呢個糖心蛋好好食 超正!! 半價好似$10,,
我揀左豬軟骨拉面豬骨湯底,,得一舊豬軟骨,, 不過幾好食,,
拉面質地好爽,,唔林好好味!! 下午荼size 都夠既~~ 仲包野飲tim,,

再叫左炸蠔,,都係半價~~好脆但唔油膩喎!!

叫左2個下午茶再加小食,, 埋單好似唔洗$100,, 禁既質素我覺得值呀!!
我會再黎嫁,,~~

DIY SOAK OFF GEL

上個月到終於氹到肥仔買gel甲套裝比我,,呵!! 經朋友介紹係旺角買,,有興趣可以睇下sweet lady nail,,一set 好似$49x,, 已經包左需要用既野,, 放心,, 樣樣都要用嫁,,
所以唔驚哂左,, 當然我呢set係基本既,,不過我覺得已經夠嫁啦~~
可以自選2隻色,, 我之後都再有買其他色,, $5X一枝/盒左右,, 同買枝甲油差唔多啦~

燈機,,緊係都包啦,, 不過我覺得太大個...我見有D好細部,,

好啦,, 講下點整先,, 其實要修下甲同死皮先,, 不過我唔識所以冇理,,哈!!
首先用銼係甲面銼幾下,, 等之後d gel會痴得實d甲多d,,
銼完之後用潔甲水抹一抹指甲(則係藍色個枝),, 令甲面乾淨冇油等,,
跟住就搽第一層Base,, 薄薄一層就ok啦.. 曬燈2分鐘,,
之後再搽一層Base,, 再曬燈2分鐘,, 如果想厚d可以再搽多層,,
而我平時就搽開3層既~~

完成Base之後就上色啦,, 第一層又係薄薄得啦,,
會係有少少透既,, 都係曬燈2分鐘,,

都係搽多層,, 就會係實色嫁啦~ 又曬燈2分鐘..~

最後搽top 再曬2分鐘就完成啦~~
仲有仲有就係再用潔甲水抹面就可以啦,, 如果唔係甲面會痴立立嫁~~

搞掂,, 都唔錯呀!! 起碼襟過甲油啦~~

少少貼示,, 曬燈前搽d防曬係手度,, 雖然每次用時間唔算長,, 不過一個月用2次都死啦~~
同埋如果搽出界就係曬燈前抹左去,,如果唔係曬完就會乾左,,小心用化妝綿,, 因為會痴到好多毛毛就唔令嫁啦~~
下次再講拆甲啦~~

我隻腳有個框呀

前個星期日去左踩單車,, 之後係咁落雨.. 終於等到一日好天又放假啦,, YEAH~~

由沙田踩到大埔再返沙田,,

係城門河租車,, $20一日好平啊,,~

不過我好揀唔揀揀左架轉唔到波既..... 我踩到好辛苦..

唔知點解淨係得呢張轉唔到..要打橫睇,,哈!!  就係呢架屎人車.........踩死我!!

準備出發,,

其實夾埋踩左唔係好耐,, 我地每到一個point就停低食冰冰,,哈!! 熱死人啦~~

年年夏天都曬到一達達好核特,, 所以我好驚,,一停低就係咁搽防曬.. 好彩最後都冇咩黑到,,

不過唔記得理隻腳... 我個日著vans布鞋... 曬左個框出黎,,  算到~~當係戰績,,

太陽伯伯,, 好掛住你啦!!比我見多D~~我要去玩呀!!