泰國>張龍記

上年12月中又全家人一齊去玩~ 今次去泰國,,係HK Airline買機票($850+Tax,, total $1607)

初初買朝早機,, 但早2日打黎話班機cancel左要改12:10pm.....個下巴趺左落地下..冇左半日時間..

出發,,大家心情都好好~~ 去到機場仲有時間去食個麥當當早餐先,,

 

夠鐘上機,,好好彩冇delay,,我覺得搭hk airline一定要有心理準備delay,,冇係bonus,,哈哈!!

 

貪得意訂左低卡路里餐,,係蕃茄醬魚柳,,甜品係豆腐花~~都唔錯喎!!

 

我地book左車係機場去芭堤雅酒店,,落機係停車場附近等,,係10人車,, 好寬敞呀~

 

本身約2個鐘既車程,,搭左成3,4個鐘,,塞車塞得好西利呀,,到酒店時已經係7點幾,,
係芭堤雅住 August Suites Pattaya ,, lobby好大,,間房都好大好乾淨,,床係king size~~

 

有露台,,但呢張枱有d污糟,,廁所都好乾淨,,係企缸~  休息一下就出去晚飯啦,,

 

酒店係張龍記斜對面,, 唔洗諗就走左入去啦,, 餓死人啦!!
大頭蝦,, 獅蛤(知唔知我講咩,,哈哈,,我唔識寫~~) 咖哩炒蟹必食!! 識飲一定飲"勿跑"

 

食飽飽散散步,,我地出入係行條路仔出返beach road 搭兩排車,, 都幾方便!!
返黎個陣就係保齡球商場落車行前少少就係啦~ 

 

呢檔香蕉班戟好好食,,我第一次食過之後就忘不了啦!! 上次黎佢冇開我以唯拾左,,我好失望!!

今次見到真係超開心,,個心情就好似係沙漠見到有水一樣,,哈哈!!

 

一定要襯熱食,, 會脆卜卜~~  
返酒店前買埋芒果糯米飯,, 我覺得係任何一間買都唔會失望,,必甜的,,起碼我買個D都係,,

 

送媽媽爸爸返去之後我地緊係唔會咁早訓啦,, 黎到點會唔massage~~
今日搭咁耐車,, 一定要鬆一鬆啦,, 去返去開個間,, 冇加價!! 300b 2個鐘 body massage~~ 爽呀!!

爽完返去大覺訓~~~