泰國的last day

最後一天,, 我地搭3點05分機,, 冇咩地方可以去,,

所以去左之前講行小徑去BTS站經過既按摩店massagemassage~~

Book好車去機場,, 我地6個人既行李~~

我想話機場員工food court 既魚旦粉真係好好食~~平令正!! 

買埋溝了物芒就上機啦~~ 

某一天的戰利品,, 其實呢個trip主要帶爸爸媽媽見識下,, 所以行街既時間唔算好多,,

因此我唔係買左好多野姐~~

今次打呢篇泰國之旅打得好快,,冇半途而廢嫁,,

而家媽媽爸爸又叫我地預備下次旅行...=.= 去邊好呢又?

我仲有篇日本未打,, 同埋去泰國之前仲去左轉台灣,, 不過有d地方之前寫過就唔重覆了,,

等我慢慢寫D新地方啦,,

Damnoen Saduak水上市場>鐵道市場>Terminal 21

今日都book左車,, 去Damnoen Saduak Floating Market > Maeklong Railway Market (鐵道市場)

食埋早餐8點出發~~

 

終於係有船坐既水上市場,,都幾期待~~

揸船個哥哥係度住,, 揸揸下落船返屋企去廁所 =.=

 

 

 

沿途賣既野主要係手信,,泰國衫,, 我只係對食既有興趣~~ 碗魚旦粉好好食!!

兜左大約1個鐘多D就完啦,, 其實幾過癮,, 不過D野唔岩買~~ 

轉場去鐵道市場,, 睇片睇得多今次仲唔到我親眼睇~~~ 

食lunch先,, 司機帶我地去食當地好出名香港人開既叉燒面,,

拿,,真係香港人開嫁,, 不過我覺得香港好味D,, 口味唔同掛,,

可以先睇睇時間表,, 預早15min分鐘霸定位啦~~

未夠鐘周圍行下,, 媽媽爸爸最鍾意行街市,,

 

相片有少部份可能會引起不安.....佢用2隻快子就咁夾實隻唔知乾田雞定乾青蛙黎賣....

  

 

火車到,, 我影左片嫁,, 但段片調轉左同埋有d長,, 我要搞搞佢先,, 比d時間我~~

火車到站可以上去影下相,,當然咋咋林影完咪鬼阻住人啦~~

 

臨走係停車場附近見到細細個菠蘿賣,,好得意買黎試下,,

衰鬼又幾甜喎,,呢度好似係50b咁上下

司機又係車返我地返酒店再次袋袋平安啦,, 休息一下再出發,,最後一晚有咩要買就襯手,,

Terminal 21 shopping,, 呢度好岩我行,, 不過未行先食飯,,

   

  

  

  

  

  

如果係度慢慢行應該都要大半日時間,,

戰利品~~ 我真係好中意買鞋嫁!!

大城四世皇夏宮>ayutthaya floating market>aisatique night market

呢日係我最期待既一日,, 因為可以揸車!! 係哥爾夫球車,,呵呵~~

我地Book左1日車 (好似朝8晚5咁上下),, 行程係大城四世皇夏宮 > ayutthaya floating market,,

我地租左2部車,, 我搶住黎揸,, 好好玩,, 

有D地方唔可以影相,,又有D地方唔可以露臂露腿,,入去前要望下指示牌先~~

  

  

   

   

 

司機話見有時間,,帶左我地去附近寺廟參觀,, 入面個彿好大好大個,, 好多人祈緊福,, 
(呢度可以影相) 可以自己買d金薄周圍貼,,分好多size,, 我地只係添左少少香油就走啦,,

大城水上市場距離四世皇夏宮好近,, 

咪講笑,,行左半日緊係填飽個肚先,, 但我只係影得碗魚旦粉,,睇黎都真係幾餓~~

呢個水上市場唔係好大,,人流不多好靜,, D野唔係好岩買,,所以好快行完,,哈哈!!

不過食野個陣格離有表演睇,,開哂槍好似好逼真咁,,有D樹阻住唔係睇得好清楚,, 

 

司機車返我地返酒店佢就袋袋平安啦,, 我地梳洗一下去下場,, aisatique night market (河畔夜市)

BTS Sapan Taksin 2號出口有接駁船搭,, (半個鐘1班) <<<其實我唔記得,,岩岩上網睇嫁咋,, 

  

相機冇電要用電話影,,但唔夠光D乜都影唔到,,我想話好令嫁,,!!

 

呢度都幾多野行,, 又有好多餐廳,, 行左陣攰得濟就搵野食食完返歸,,
食物普普通通啦,, 但係泰國食咩都平D,, 所以咁既價錢都幾好啦,,

   

  

唔好又問點解去泰國食韓國燒烤,,當處於攰到冇力既狀態,,

你只想搵間環境舒服既餐廳食完返去訓覺~~