丸龜烏冬

好耐冇update啦,, 前日岩岩台灣返黎,,要整理下D相先可以update遊記!!
講下其他野先,,上次同家姐行isquare個陣見到有呢間自助式烏冬,,價錢唔算貴就去試下啦,,
要先點餐後入座,, 係門口點左湯底同烏冬先,,有中有大size,, 我叫左面豉湯底中size,,

佢會即刻煮烏冬,,之後自己夾天婦羅,,
我個陣7點到食,,都幾多人,, 所以佢不停炸緊,, 新鮮炸起,,

好脆好正!! 自已揀好天婦羅之後就比錢,, 好似宜家傢伙咁,,
跟手就搵位坐啦~~   其實仲有飯團,, 不過我冇試,, 我見到幾多人食,,應該唔錯既~~
烏冬幾煙un,,但我覺得個面豉湯底有D濃,, 我麻麻地,, 但家姐話幾好,,

反而家姐個豬骨湯幾好食,, 哈!!可能格離飯香,,

呢張係我第2次下就同肥仔食影既,, 呢次試蕃茄湯或,,

好好味呀,, 其實不嬲都幾中意蕃茄湯底既野,, 開胃嘛~~

不過可能下就去既關係冇咩人,, 所以D天婦羅放左一段時間,,

又凍又林........@@  下次都係繁忙時間去好D,,

不過仲有樣值得介紹,, 魷魚天婦羅,, 係1碗碗個個喎,,

魷魚好大粒好林,, 好似台灣夜市食個D咁,, XD

我們的4週年

話咁快我地一齊左4年lu,,初初打算去high個tea,,睇戲食牛角慶祝一下,,

不過最後同左媽媽飲茶,,飲完茶出黎seafood痕即興話想去釣魚,,哈!!

即刻返屋企拎工具出發~去到都成5點lu,,冇得租艇仔,, 係岸邊釣啦~
肥仔無啦啦釣到條大野,,哈!!仲幾令tim,, 未試過係岸邊都釣到大魚,,勁野啊!!


不過釣完呢條之後就冇料到lu,,格離有個哥仔又釣緊,, 佢釣到條魚唔要比左我地,,


有日落睇,,好令呀!!今日天氣好好,,個天好清,,

玩到天黑就走lu,, 出返大埔中心食飯,,
我好想飲酥皮湯,, 但唔知邊度有得食,,搵左幾間都冇,, 唯有放棄啦,,
去左鋸扒,, 哈!! 係紅蜻蜓,, 麻麻地,,




雖然過得好平淡,,冇禮拜冇鮮花冇燭光晚餐,,但都好開心呀,, 肥仔仲話到時佢發左達就會同我食好野慶祝,, 我好易滿足嫁咋,,哈!!

HANAKA凍亮掃黑面膜炭長

前排上網見人話呢隻mask幾好,,咁就買左黎試下,,
係銀成地下有得買,,分大盒細盒,,我買細盒好似1百蚊頭左右,,
大盒抵D嫁!!不過試下先啦~~

可以去粉刺黑頭收毛孔保濕美白,, 岩哂我呢D懶人一盒搞掂哂XD,,
台灣野,, good~~

洗完面敷,,搽哂成面~~都幾好玩,,不留手喪搽,,敷30分鐘洗面,,

我買個陣佢比左枝棒棒我,, 可以刮走D先洗~~當時要輕輕力刮啦,,

(我套睡衣都係唔洗理的,,XD)
我敷左2個星期則係4次,, 感覺幾好,, 敷完塊面好舒服好似好清爽咁樣,,

但黑頭收毛孔暫時冇咩料到,, 再觀察下先,,

食生蠔煎牛肉扒

前排做衝上雲宵大結局,,特登上家姐屋企睇,,

下就出去行一左陣,,再去一田買野返去食,,

出左糧食好d先,,買左幾隻法國生蠔,,唔記得叫咩名,,

$3x 1隻,, 幾厚肉嫁,,唔算好咸但蠔味好重,,都幾正!!

下次可以再食,,

買左幾塊牛肉,,我呢塊$9x,,輕輕煎熟個面就起啦,,好好食!! 仲有炒左d露筍同埋白酒忌廉菇菇,,好味!!

佢叫森巴,,佢好鬼嘆,,成日坐係梳化涼冷氣...

All Day Breakfast

8月尾惠如生日正日打算去high tea,,不過最後佢話想食All Day Breakfast,,
生日大哂無問題啦,, 去左又一城,, 岩岩做緊手錶展,, 有架假既戰機係度,,
都幾有型喎,,我仲以唯真嫁tim~

揀左caffe HABITU the table,, 環境不錯,, 不過嘈左少少,,

其實我唔中意飲咖啡的,,但呢D時間都覺得可以試下喎,,
叫左焦糖咖啡,,個面全部都係焦糖黎,, 係幾香嫁,,

不過.....我都係覺得苦,,~

一人一份All Day Breakfast,, 見到都流口水啦~~
包包有4件,,係麥包來的,,好軟呀!!加埋士多啤梨醬好味~~
不過有D失望係得蕃茄仔,, 冇焗大蕃茄既,,

整體黎講味道幾好呀,, 因為我第一次食所以要求唔高,,哈!!
不過我相信會有更好既,,

搵日再試下其他先,,
順帶一提,,我好似由4點到食到5點幾離開,, 食餘2件包包,, 我飽足一日,,

濟到呢,, 我唔認為自己會咁喎,,!! 奇怪奇怪~

自給自足

打左yahoo blog幾年,,冇啦啦話執,,搞到人不知所惜..好在好多blog友都分享下點過blog,,
我呢個電腦白痴都識,,算幾叻嫁啦,,!唯一得返D相過唔到,,要係屋企慢慢整返先,,漫漫長路,,等下啦~~
係度第一次update blog,,試試先~~
7月份落左青梗白菜種子,,2個月終於收成啦,,呢排又落雨又打風冇陽光...搞到佢地長唔大~~ 

呢張係上個星期到影嫁

   

呢係琴日影,,都大左好多喎!!



 

 

即割即煮,,其實我食個陣有D驚,, 唔知咩味嫁,,
我驚會係青草味,,哈!!好彩係正常菜味~~
好有成功感嫁!!

琴日又放左D包心白菜,,唔知又會種幾耐呢??

 

 

維納斯藝廊-九豐記-上引水產

第3日要離開花蓮啦,, 呢個地方真係好舒服!!
一定要再黎呀~今日早餐係煎蛋三文治,, 我想講呢個係我食過最好食既三文治,,
個個煎蛋真係無敵!!

又落雨啦,, Peter話臨走前帶我地去博物館睇睇..

原來就係第1日去個個碼頭,, 叫維納斯藝廊 

博物館入面好多古董睇,, 

呢度有古董錶..安妮女王都有,, 300年啦~ 仲有好多畫好多擺設,,不過我地唔夠時間,,
所以冇詳細影相,, 其實個度唔算好大,, 係個貨倉黎嫁!

出面有個大大既郵筒,,好有型~
睇完就要走啦,, 買唔到車飛一齊坐,,要分開自己坐3個鐘....嗚,, 悶死我啦!!

3個鐘後又到啦~去放低行李先~ 之後就飛出去食牛肉麵!!
cityinn冇房,, 今次住saylove都係十分方便,, (最後先講酒店)

九豐記牛肉麵,,我等你好耐啦!!!!!! 就係上次黎裝飾緊,, 原來轉左名~~
不過入面D人係一樣既,, 而家多左米線食!! 但我地緊係食牛肉麵啦!!!
真係超級好食,,嗚,,,,好感動~~ 仲有叫左細碟牛什,,偏咸左少少~
我鐘意食酸蘿蔔,,開胃!!

 
仲有好多細細碟野食,,

食飽飽去行街啦,,之前去糖村經過見好似好多潮野買,,但上次同媽媽一齊費時睇lu,,
今次特登去行下,, 真係喎~~好多潮人嫁,,
不過一D都唔平,, 計返港紙都要幾百蚊件衫~ 呢架車好得意,, 迷你貨車咁樣,,
大都可以去睇下,, 係忠孝敦代站,, 出口行前少少轉返入D細街就係嫁啦,,
其實行過見到有年青人係D巷仔度就係嫁啦,,

 

買埋糖村就離開啦,, 期待已久~~ 終於去上引水產啦!!! 唔記得點去啦,,
要轉幾次火車,,到左站都要行一段路先到,,冇google幫手真係搞唔掂XD
呢隻火車係台灣第一次搭,,好新奇,,哈!!

係車站見到呢個愛心遮,,好好呀,,好既係仲有遮淨係度,, 國民教育好重要!!

 

幾經波折終於到啦~~ 黎啦上引水產!!

個度好鬼大,, 成個超市咁,, 先參觀下先~~ 有好多海鮮,,大大隻蟹!!
同埋,, 一D都唔貴囉~~好親民既價錢!! 我爸爸媽媽黎到一定勁開心~~
入少少有紅酒賣,,仲有得試飲~~

 

 

兜左個圈就去搵野食啦,,位置有D亂,, 因為有幾間唔同主題既野食,, 佢唔算係餐廳,, 係速食嫁,, 冇位坐食完就88啦~
睇下幾多人,,,我們是旦拎左一間位,, 但之後發現唔係我想食個間....我想食壽司,, 叫鮮味吧...
要等成百個.....@@,, 初初都諗住等,,但等左半再睇先入得2個...咁我幾點先食到啊...!!

 

最後去返第一次拎位個度,, 因為見人地食海鮮拼盤都唔錯,,叫快意鮮味吧!!
我地錯過左頭先張枱,, 好彩而家都唔係等好耐,,
我們叫左海鮮拼盤,, 多份海膽,,仲有親子飯,, 好緊張呀!!
都等左一段時間嫁,, 好驚佢冇落單... 先黎跟餐沙律,,

 

親子飯好正,, 好鮮味呀!!! 麵豉湯入面有3文魚,, 個湯好好味!!

 

主角出場啦!!!!!!!!!!!!!! 嘩嘩嘩,,, 好正呀!!! 有我最鍾意既吞拿魚tim!!
有蝦有蟹,, 海膽,,生蠔,, 鮑魚,,帶子~~~
全部都好好食,, 好新鮮好鮮甜! oh my god~~~~~~~~~
好唔捨得食完...,, 下次一定一定要再黎!!!
呢餐好抵,, 夾埋大約$500港紙,, 邊度食到呀,, 

 

食飽飽一路回味一路慢慢行返去搭車,,
見未算好夜,, 去左師大夜市行下先~ 係台電大樓落車,,跟住D人行就得啦,,
好多人呀!! 但我記得之前好似好多野食賣,,而家好似食既唔多,, 買既就多啦!!
買左少少野就走啦,, 好支力呀!!

 

頭先係上引水產食飽左,, 所以淨係買左芭樂同鹽水雞返去食咋!!

隻腳冇哂力,, 爬住係度食野,,沖完涼就立即訓啦!!