環球影城-心齋橋 第2天 12/4

第2天,,

琴晚12點幾訓覺,, 呢日日本時間6點幾起身(則係HK時間5點幾), 因為要去環球影城玩,, 所以食定早餐唔好浪費時間,, 
導遊話日本人好注重早餐, 係每一日既新開始,, 而且一定會食飯,, 我見到佢地真係大大碗飯"爬"入口,, 
仲會添飯tim,, 跟住又會一碟碟餸好整齊,, 全部人都食得乾乾淨淨,, 我地緊係唔習慣食咁多啦,, 食咁飽會好眼訓嫁,,  

出發啦,, 酒店對面有條河環境都幾令,, 真係愈來愈想自遊行,,

酒店去環球影城好快,, 半個中左右就到啦,, 
入口,,  

有D似迪迪尼喎,,
 
呢度睇4D... 臨走去左睇........ 唔係講笑,, 1次就夠啦,, 係咁係度騎馬,, chok到我就黎死咁濟,,
不過好似早場同午場唔同卡通,, 我下就去睇,, 係史力加,,  

玩第1樣係spider man,, 好好玩呀,, 其實都係4D,, 不過西利好多,,D特技好勁,, 一定要玩,,~~  
 
消防車係賣野食,, 都幾有型,,   

聰門豆elmo,, 哈哈,, 格離可樂入面係餐廳,,   
 

 

玩左呢個,, 好好玩,, 都幾高嫁,, 用400yen買左雨衣,,不過我坐中間,, 冇咩濕喎,,
佢會係上面兜一大輪,, 好多恐龍睇,, 之後先沖落黎,, 將我驚個感覺拉長左好多,, 哈哈..

玩小遊戲贏左ELMO,, 仲要玩到最尾個2個幣先擲到,,

D顏色好令呀,,我中意粉色系列,,  

 
有個小小既HELLO KITTY LAND,, 話有最新既hello kitty 專門店,, 但唔係好大,,

 

有精美既cupcake,,  格離個個冇入到去,, 唔知咩黎,,

 

呢度係類似兒童世界咁既地方,,

成個車場可以自己揸車,, 我都想玩,,哈哈,,~~
迪迪尼個個要跟住條路軌既,, 唔好玩,,

呢度係史路比,, 入面D遊戲都係for小朋友玩,, 但我玩過個過山車,, 好快喎,,
我地一路玩一路叫,, 但D小朋友好似冇咩感覺咁,, 哈哈,,

咁岩見到傻豹,,~~

再玩小遊戲,, 今次冇中獎lu,,

一定要影呢個,, 到此一遊嘛,,  (唔知點解個pose有少少國內,,,可能係髮型問題,, 哈哈)

行到好支力玩到好支力啦,, 終於搵到地方食飯啦,, 1400yen,, 最重要,, 野飲要另外買嫁... ＞＜

都抖左段時間先起行,, 行到真係好支力,, 仲租埋locker放低野,, 但放低完又買過,, 都係要拎,,
工作人員姐姐仲主動幫我地影相,, 仲比埋頂帽我戴,,哈哈,,
呢度入面睇爆破,,,超超超西利,, 最尾爆一爆再跌一跌,, 客到成個人醒哂,, 不過好大陣GAS味,, 我有D驚真係會爆炸,,  

再行多陣,,  

 

最後見到史力加,, 好想同佢影相,, 不過不斷話last one last one....  好可惜..

食晚飯,, 唔.........個烏冬普普通通啦,, 不過個個豬肉,, 好咸....
好既一餐,,唔好既又一餐,,

之後去行心齋橋,, 好多野行呀,, 雖然去完環球影城好鬼支力,, 不過都行左好耐,,
有好多戰利品,, yeah yeah,,  
 
其實都食到好飽嫁啦,, 不過都買左宵夜返酒店食,, 唔... 可能唔同地方會唔同味道,, 呢一盒我覺得比起HK, HK個D仲好食,, 
仲有買左燒章魚丸,,拎到返去林哂LU,, 我諗即刻食一定好好味,,