公司團年飯

上2星期同同事去左旺角食團年飯,, 哈哈,, 去DARTER'S ZONE PUB BBQ,,
都係一樣姐,,~~ 初初唔知食咩好,, 禁岩係附近見到有2奶架又收得夜就BOOK位啦,,
上到去佢好似遺留左我地既BOOKING... 不過好彩有位姐,,
入面鋪頭係PUB, 出面露台BBQ,, 都有DD逼,, 不過都可以接受既,,
個模式好似巴希雅咁樣...... 不過... 巴希雅好好多,,



野食已經唔多啦,, 個樣仲好似放左好耐咁... 連最基本既雞亦都冇....點得嫁!!
有燒蕉,, 但放到熟到黑哂啦,,不獲好評啦,,
仲貴過巴希雅幾十蚊,, 唯一好就係鴻福堂任飲,,, 不過唔係吸引我既條件,,
因為我唔係飲好多野嫁咋,,,~~ 哈哈,, 總之冇下次啦,,~~

我要去巴希雅!!!!

錦上路跳蚤市場

前排見到朋友話錦上路跳蚤市場好多野行,, 就叫肥仔同我去啦,,
其實我好中意行呢D,, 以前成日去啟德個大笪地個度行嫁,, 而家冇左lu,,
行下其他啦唯有,,, 不過唔知仲有邊度有,,
搭巴士坐到我呆下呆下,, 又多彎又慢...
下次轉車好過,,  不過去到先醒起.. 原來黎過,,  直頭係錦上路西鐵站出面嫁,,唔驚搵唔到~~





唔... 唔算好多野行,, 一睇望得哂,, 不過新屎坑可以黎下,,
但但但,, 竟然見到有龍貓地毯........
即刻買左啦,, Yeah,, 不過我想買大塊... 肥仔唔比,, 話我實唔夠位放,,


 

我返屋企度過,, 放得落嫁..... 嗚....
哼,, 到時我dream house 買加加加大塊個tim呀!!!!!!
個度冇咩野食買,, 淨係食左糖蔥餅(塊皮好硬),,
仲有買左下面兜酸野,, 有酸菜,,木瓜同蘿白,, 酸菜同木瓜好食,,唔係好酸岩岩好, 不過蘿白就有d拿喉啦,,

呢碗$10 ,, 幾抵,, 之後有食台灣腸,, 普通腸一條,,, 最後臨走買埋麥芽餅,, 我好中意食嫁,,
不過,,, 佢夾得超少麥芽,, 係好少好少,, 我好唔開心....
第一次食麥芽餅食得咁唔開心....

哈哈,, 呢度唔洗一個中就行完啦我地,, d野唔係好岩我地睇,,
上網見到附近仲有一個跳蚤市場,, 唔係好遠嫁咋,, 則邊有條橋,, 過左條橋後一路都有指示嫁,,
見到馬路右邊就係啦,, 紅磚屋呀叫,,
同埋都係好細嫁咋.... 不過賣D野都幾有特色既,, 但我地兜左個圈就走lu...



夜晚去左食烤魚,,,
肥仔食過話好食,, 不過我唔食得辣,,叫唔辣好似湯浸魚咁,, 如果我食辣就可以食多d野啦,, 
要半條冇連尾,, 唔記得幾錢啦,, 淨係記得半條連尾係$15X,, 但怕食哂,,半條冇連尾都幾大條,,

叫左少少串燒,, 我唔係幾中意,, 太多調咪粉啦,,
如果唔中意濃味,, 可以叫佢唔洗落咁多粉,,



燒蠔好好食,, ^^ SIZE都OK 嫁,, 唔算太細,, $14/隻我覺得幾抵,,

燒茄子,, 我唔中意食茄子冇食,,~

整體都OK既,, 不過我諗辣應該好食好多,, 埋單$3XX ,, 唔算好平,,
因為我冇得食辣,,所以試過就算lu,,,~~~

彩虹蛋糕

年年肥仔生日都整蛋糕,, 今年唔會例外啦,, 不過我同佢講我呢排好忙呀,,
要返學整唔切呀,,  佢話唔緊要啦,, 我都唔中意食蛋糕既,,
但佢可能會估到,, 因為呢d大話我成日講,, 哈哈!!

整左曲奇裝飾先,,印模曲奇要雪嘛,, 好,, 解釋下先,,

牛油加糖打軟,, 加蛋撈混去,, 逐D加面粉成團,, 之後放雪櫃唔洗理佢,, 好簡單嫁咋,,

  

開始整蛋糕啦,, 呢排興彩虹蛋糕,, 應該冇問題既,, 海綿蛋糕之嘛,,,~~~

蛋+糖+菜油+水撈混,,  再加面粉,,

 

正常係分7份,, 但可能我D蛋細隻得濟,, 我分得6份,,

加色膏,, 今次整過之後,, 建議可以加多少少,, 因為我個個太淺色lu,,

 

加蛋白,, 輕手d,, 唔係走哂空氣個蛋糕就冇咁彈嫁啦,,

之後就入焗爐啦,, 要焗6個唔同顏色,,不過因為好矮,, 所以焗15min就可以了,,

焗完變左個兜咁樣,, 要切邊同面整令個樣,, 如果唔係切蛋糕個陣唔令嫁啦!

之後就要層層疊啦,, 每一層都加d cream,, 咁岩屋企有芒果就放左少少落去~~

整令令,, 不過唧cream整得太耐,, 溶溶地啦,, 同埋下次真係要落多少少色膏,,

而家咁淺色一d都唔令,, 

趕住係肥仔收工拎返公司,, 趕到我死死下,,

我最期待切個刻,, yeah,, 都算成功啦!!!

 

突然間覺得自己好叻,,!!

多謝Vanlily 提供既食譜 !!

肥仔生日

15/1
肥仔生日大日子~其實都唔大嫁,, 都唔知去邊好,,淨係book左夜晚去食buffet咋,,
11點幾醒左,, 係屋企hae下hae下2點幾先出街,,
肥仔話想食排骨飯,,緊係同佢去啦,,
出左元朗食點心,, 呢度至在唔洗等位有得飲荼,,好好食又未至於,,
不過不失啦,,環境係幾有風味既,,

飲完茶就出左尖沙咀啦,, 肥仔話想影花,, 初初打算去濕地公園,,不過唔夠時間,,
最後去九龍公園,, 花..... 都有既,, 不過唔多囉,, 哈哈..
我中意粉色系列,, 呢朵如果開哂應該好令,, 而家謝謝地啦,,
第3張個度最多花嫁啦,, 除左呢度就冇咩lu...

 

行完九龍公園去左K11,, 開左咁耐都未黎過,, 原來個入口好令嫁,,
全部都係外國人,, 以唯自己唔係香港,,

差唔多夠鍾就搭船去灣仔啦,, 我好中意搭船睇夜景,,好似好浪漫咁..
不過我冇咩機會會過海,, 所以唔係成日搭呢,,
之後就發生件好好笑既事,, 話說我睇openrice既時候,, 認得間野我係食過,, 識路啦,,
睇埋地圖係碼頭則邊,, 仲唔係個間!!!
一落船就飛住去啦,, follow me個隻,, 則係懶勁,, 點知上到去:
唔該book左7位陳小姐呀,, 等左一陣,, 佢地面色有d疑問,,

我再望望張紙... 冇我個電話既... 我話.. 咦,,唔通我去錯左... ?
佢話,, 我地呢度係萬麗海景,, 不過而家我地都有位,,
我話,, 哦~~ 我book左灣景呀,,
笑到痴線,,  樣衰衰返轉頭離開,, 哈哈!!
好彩唔係行好遠姐,,~~ 比肥仔笑我,,人地明明見到張相去過嫁嘛,, 點知唔係姐...
有驚有險到lu... 一入到去就望到d生蠔啦,, 嘩,,, 勁大隻呀!!
仲好甜tim,, 我知有海水味咸咸地先係貴野,, 不過我唔識欣賞,, 我中意食呢d,,~~
長腳蟹就冇咩特別啦,, 咸左少少,, 熟食唔算好多,, 我每樣試左少少咋,,

推介豬仔包,,外面脆入面軟好好食!!
魚生有吞拿魚,, 仲要腩黎嫁,, 好好食,, 不過食2件就好肥膩啦,,
甜品都唔係好多,, 窩夫好好食,, 我全程掛住食,, 影完生蠔之後就完全唔記得影相啦,,
阿肥生日快樂,, 希望你繼續錫爆我!! (我幫自己許願,,呵呵)

海嘯奇蹟

前排睇到海嘯奇蹟片頭,, 好吸引,,
前日放假就去左睇啦,, 我由頭喊到尾,,
成個海嘯重新做一次...好真實好西利,,,
而套戲我覺得好detail,, 每一幕都好細緻,,
媽媽同大仔既戲做得好好,,好帶動到我既感覺...我睇到好投入...
個種突如期來的災害... 真係好無助........
不過如果唔中意睇到喊既朋友就唔好睇啦,,
自問自己都幾樂觀,, 所以喊完我可以好快回覆心情

 

種金??

之前肥仔去QB House 剪頭髮個陣送左個盤栽仔,, 但冇講種咩野..
淨係話每日淋水,, 10日到就出芽... 但我淋左半個月有多lu...一條草都冇,,
手多多了下佢啦,, 點知了左D金片出黎..
一塊塊細細塊,,唔知咩黎嫁喎,, 有D仲厚厚地tim..
而好似粒芝麻咁既種子就唔見左... 我都唔知要唔要好...究竟係咩黎...



我好似係度未正式介紹過阿棚,,下次我同佢地影D寫真放上黎介紹一下,,~
有晚我擺左大棚係露台,,等好似次子同草子咁,,一起身就變左大樹,,哈哈!! 低能~~

窩夫魚生飯,,,

講D正野先,,有一日放假返學放2點冇野做,,
自己一個走左去廣華對面食窩夫,, 我好中意食香蕉朱古力味既野,,
pancake 我都會揀香蕉朱古力咪,,佢地係好好既朋友,,唔可以分開!!
呢度好抵食又好好味,,外面脆入面軟綿綿,, 我呢個好似是$23,, 加$1有雪糕球,,
不過如果有得坐係度慢慢嘆就好啦,,唔緊要啦,,企係度都有一留風味~~
我對住自己中意食既我可以食好多好多都唔飽,, 自己食哂一個之後要再買肥姐食,,
呵呵,, 好滿足!!

之後又另一日,,夜晚返學去搵欣欣,,
佢幫我order左vip魚生飯,,
有吞拿魚,,海謄,,甜蝦同埋帶子,,
全部都係我最中意嫁,, 好正呀!!!
個度黑蚊蚊要開閃光燈影到好核特...

寶寶農場進度,,

跟進一下進度先,,其他上次post個d相都成個月之前嫁啦,,
呢個係番茄,,種左成個月先得咁樣,,正唔正常嫁??
我見人地種1個月已經好大棵.. 不過我攪過佢黎,,
因為之前落得太多種子,,成堆生左出黎,,所以移開左d,,
又埋低左少少,, 種到一粒我已經好開心嫁啦,,

呢盤係白菜,,又係係咁標高,,我又埋低左佢地,,
不過比之前生多左塊葉嫁啦,,但點解咁慢嫁,,

菜心,,都係咁.. 不過遲過白菜種,,

琴日經過金魚街買多包泥,, 個姨姨話,,
正常一個月已經食得嫁啦,,我都知...但我得2塊葉仔...
佢話可能係逼得濟喎..同埋我都懷疑唔夠光..
唔夠光呢家野冇得搞嫁啵..不過返到屋企都整整佢先,,
放多左泥浪高D,,蚊走左營養不良既,,
希望生得快D啦,,
太陽伯伯太陽伯伯你去左邊?

 

第尾牛扒

話說以前返學個陣成日去第尾据扒,, 個陣仲係旺中對面,,
$63肉眼扒餐,,有包有湯有扒有野飲仲有雪糕tim,,
不過自從旺中個度冇左之後就好少食啦,,
前幾日行到好支力又係附近就上左去始創個邊個間啦,,
而家要$7x,, 牛柳當然唔止啦,,
依然飲紅湯,,我覺得呢度係最好飲,,

肉眼扒,,冇以前咁淋,, 薯條得好少咋..
不過個味就差唔多啦,,






冇雪糕冇左以前既滿足感,, 雖然雪糕唔值幾多錢,,
但始終多樣野食感覺會好D嘛,,

做咩D相post出黎咁核特嫁..

又一年叱吒

1/1
 
新一年開始,, 冇著新衫~~
不過心情幾好,, 凍冰冰訓到晏就,, 要等肥仔踩完單車先出去,,
初初打算去time square food court 食lunch,, 點知冇左,,
仲冇左好耐tim,, 噓人地新界人點知喎~~
跟住發現希慎有啵,, 咁就過左去啦,, 其實我幾中意去food court食野,,
多選擇嘛,,大家可以食唔同既野~~
肥仔叫左拉面+餃子set,, $7X
拉面好好食呀,,個湯好飲呀,,冇"簡"水味tim,, 正!!
餃普通啦,,冇咩特別,,不過個提子汁好難飲,,

我揀左triple'o,, 以前因為工作關係成日食,,
而家好耐冇食啦,, 食Chicken supreme轉飲奶昔,, $8X,,
都幾捨得啵,,哈哈,, 耐冇食想食嘛,,

行左陣誠品,, 明明有幾層又咁大,, 點解放到咁逼嫁..
一D台灣氣氛都冇..當書局咁行啦唯有,,
琴晚睇完Shine,,呢晚去睇叱吒,, 節目好豐富喎,,

今年個位麻麻啦,,平排坐咩都睇唔到,,
下年考慮下換斜台飛啦,, 不過呢2年已經唔係咁好睇,,
以前睇到好緊張嫁嘛,,但而家好似變左band show咁,,
我麻麻地d band..  不過年少無知都真係幾勁,,
咁都可以拎到最受歡迎歌曲,,

最後未完場就趕住走啦,,因為要追尾班車,, 哈哈,,
我次次去會展睇show都一係搭地鐵一係落cwb搭小巴,, 超唔方便,,
但原來天橋下面已經有巴士返去,,
我都係前幾日christmas party先知,, 低b仔 

倒數 - Shine

告別2012年啦,, 講少少總結先,,
呢一年覺得自己好勇,,做左D新嘗試,, 工作模式有好大既改變,,
都學到幾多野嫁,, 對自己既表現都算滿啦,, 不過都要繼續努力,,
細心D,唔好成日粗心大意,,仲有要改善自己既記憶力,,我真係好冇記性呢,,
另一樣係的起心肝學英文,,唔係講笑,,去報名要好大既勇氣嫁,,
比自己一年時間,,而家讀左2個月左右,,都有返D信心嫁,,
希望一年後有好成績啦,,
呢一年發生左一樣係咁大個女最唔開心既事,,以前覺得失戀大過天,,
但當經歷過另一樣更唔開心既事就會發覺失戀冇咩大不了,,
佢唔錫你仲有其他人會關心你愛你,, 但有D野失去左就永遠都冇得返轉頭,,
呢種痛比失戀痛過多多聲,, 好彩呢段時間所有人都好體諒我,,
真係好興幸身邊一堆關心自己既人,,
新一年希望所有人都身體健康,,開開心心,,
已經籌備緊新年後一家人去台灣啦,, 第一次同爸爸媽媽去咁遠,,一定好開心既!!
講返31/12個日先,, 去左睇Shine誇年演唱會,, 個位都幾高嫁啵,,

派閃閃手帶,,第一次見呀,, 拎左之後仲搵個開關制係邊,,
原來係自己著嫁,, 應該有人控制既,,因為唔係首首都閃,,
如果係就好啦,,~~

好好feel呀,,成場都好high呀,,
天佑solo個段又好正,, 雖然唔係唱得好好好好,, 但真係好有味道,, 好感動tim呀,,
 
原來係紅館倒數好興奮嫁,, 我諗算係最開心既一年啦,, 不過最衰肥仔唔係度,,  佢話呢2個係瘦孟孟,, 哈哈!!