澳門賭兩天-金沙Buffet

呢排冇咩時間update,, 返工轉左新環境...坐左係阿CEO附近,, 做咩都要偷偷摸摸,,
跟住呢幾日又病左,, 不過而家好好多啦!! 好彩係去台灣之前病咋,, 如果唔係就慘啦~
係呀,, 話咁快我聽日又去啦!! 上次去個D blog都未打過...  返黎再處理啦~

講返正提先,, 10-11/4 呢2日同媽媽爸爸去澳門,, 佢地間唔時都會去澳門玩下,,
mama玩老虎機,,baba玩骰仔機,,放心,,佢地小賭怡情姐,,不過佢地真係可以無時無刻都係賭場..
呢2日放孖day冇地方去陪佢地去玩下啦~~ 搭船食個KFC早餐先~

一落船直接去海立方... 洗唔洗咁趕呀... 玩左陣去酒店拎房,,

跟住就去金沙食buffet,, 老豆上次食過係咁讚..又話多野食又話好食..~

所以今次帶我去喎~~ 係正個foodcourt 格離,, 環境可以接受..

見到有生蠔,, 不過....同平時食開既唔同既,, 呢D個殼好厚... 肉就好薄... 試試~~ 冇味既...

好後悔拎左4隻... 長腳蟹就不過不失啦~

冷盤都幾多選擇,, 但好多人圍住影唔到相,,  提一提:吞拿魚刺生係紫色....感覺唔新鮮...

熱盤唔記得影... 不過唔算好多選擇,, 冇咩岩我食~

唯一讚既係,, 甜品種類好多...中西式都有,, 仲放得好精美tim... see~

有cupcake,,

幾令,, 最好係細細舊呀嘛,, 成件點食喎~

我試左中式野先,, 唔.......味道就... 麻麻囉,,
西式唔記得影,,哈~~ 不過好過中式!!

總括試一次就夠.. 2百幾蚊... 試下囉... 不過期望唔好咁大~

食完又係金沙博殺到3點幾4點先返去訓... 幾好精力~~

第2日一早起身落去食早餐...因乜解救利澳早餐差左咁Q多.. 本身都唔算好好..

但都可以接受呀,, 而家直頭係垃圾!!!!!!!!!!!!!!! 污糟不特只.. 冇野食都唔加....

好.. 冷靜~~ 食完早餐幫家姐買D野,, 之後去美高梅~~ 我中意美高梅,, 上次去呢度嬴錢嘛~~

不過..今次輸左~ 玩左陣去海立方join老豆... 老豆自己去左海立方..

食去下午茶~~~ 嘩......呢2日最好味係呢個,, 係海立方上面一個bar既,, $28

蜜桃火腿牛角包,, 仲有野飲~~牛角包大過我手拳嫁,, 可以share食~

同埋...好鬆脆,, 真係超好食!!!!! 估唔到~~ 下次一定再黎~ 最後叫左2份,,~

 

雞翼有5隻,, 普通炸雞翼~~

串燒都ok呀,, 不過沙嗲醬較少,, 我諗可以問佢拎多d既~~

其實如果係海立方做會員,, 夠10分就可以換一個餐,, 老豆換哂!! 哈~~

食完玩到夜晚食埋飯就走啦,, 食咩.....又係呢度..... 不過食普通中餐啦,,唔詳細講啦,,

因為我冇影相,,哈~~~ 返黎見啦~我會玩得開心d嫁啦~~~