公司christmas party

今年我地以嘉賓身份參加christmas party,, 係會展搞,, 好多人好多圍啊,,,

嘩,, 我第一次上台拎獎呀,, $800,, 嘩哈哈~~
但縮左水,, 之前年年一開波最少都$1000 嫁,, 不過唔好咁貪心,, 我都好滿足啦,,
再中埋table prize $100,, 好lucky呀今年,, 中左3次現金獎啦,,

之後第2日返到公司見到有禮物收,,  係豹紋睡衣,, 一睇就知暖笠笠啦,, 好中意呀,,
係我最愛既姐姐送嫁,,

24號晚去左紅茶館bbq,, 個場好正,, 不過掛住玩一張相都冇影到~
25號去食outback,, 不過食唔到牛住.. 望住人地食食食,, 唯有叫魚扒試下..
唔... 幾滑嫁,, 不過我對三文魚冇咩興趣,, 仲熟既tim,, 所以我覺得麻麻,,
張相個樣好清楚,, 但棵樹咁既..

又一年聖誕節啦,, 凍左1日咁多... 我又要影返多d相打blog先打啦,,

聖誕前夕

聖誕完左到除夕啦~~~~~ 一年lu,,
講返聖誕節先,, 21/12 自己部門開party,, 抽左個電話坐返黎,,哈哈,,
大象係暖包,, 拎去叮一叮就熱3個鐘咁樣,, 不過我未敢試,, 因為我諗緊叮完會唔會有陣野食味..最後係管理層出錢抽獎,, 最多$500,, 比我中左,, yeah!!

23/12 個日放工打算搵野玩,, 出完bouns又聖誕節,,食餐好既~~
初初諗住唱k,, 又諗住打個牌,, 最後落左荃灣保ling,,我係香港未去過呢d地方,, 但係大陸同泰國都玩過下..不過緊係唔識玩啦,,
最後打左1個中,, 我保中左一次全中咁多,, 勁開心,, 哈哈~

之後去左荃新天地食日本野,, 9:30後特價,, 不過選擇不多~~ 但魚生有份,, 價錢都幾抵,,,
海膽超甜,, 特價左之後$148板 (好似) ,,帶子好新鮮,, 三文魚我麻麻中意,, 但朋友話好食~
叫左好多野食,, 樣樣都好味,, 海膽炒飯好香嫁,, 推薦!!!
仲有牛奶火鍋都好香,, 不過唔夠係陽明山食好味~~諗起都流口水,,
埋單每人2百幾,, 我好平民嫁啵,, 我平時唔捨得食咁貴,, 難得聖誕節同出bouns先豪一豪咋,,
咪話我cheap,,~ 對我黎講呢餐飯幾值得~ 環境同食物都好好,,,

開多篇blog呃位先,,,~

寶寶農場開張

終於有心情update啦,, 呢段日子還好,,
月頭經過金魚街見到新開左間專賣種野工具既鋪頭就衝左入去裝下,,
咁就屎忽痕買左少少玩下,, 揀左白菜同蕃茄,,我想種蕃茄好耐啦,, yeahyeahyeah~~



但我懷疑媽媽都有好興趣,, 佢等2日即刻買左個長盤比我種白菜啦,, 呵呵

我種個幾日咁岩係又潮濕又凍又冇陽光既日子,, 所以等差唔多成個禮拜先發芽,, 我幾開心,,
不過我上網睇人地個d 1日就發芽啦...



之後就不斷生長生長... 仲長到有d跌左tim..
唔對路,, 又上網睇... 原來唔夠陽光... 而家了左個窿放佢地落去, 淨係露返d葉出黎睇下救唔救得返啦....
我而家成日望佢住佢地,, 種左3個禮拜都冇咩進展.. 有d失望..

寶寶農場最起碼一定要種到一棵食得既,, 我已經好滿足嫁啦..

Miss you..

成2個月冇uodate啦，呢段時間發生D好唔開心既事，時間過得好慢，有時夜晚諗起個心仍然好痛好痛..
個個情景每一分每一秒都記得好清楚，其實咁樣好辛苦...

第一次要面對呢種事情感覺係好害怕，我無辦法可以好冷靜咁記低，還需要一D時間去平伏一下..
而家只係想拎埋最後一件好重要既物品，算係完成件事吧..

澳門一天遊,,

某一日肥仔話屎忽痕想去澳門,,之後第日就出發啦,,今次冇過夜,, 因為主要想食下野行下,,

去到碼頭先買飛,,用信用卡係櫃面買都有折,, 12:30上船,, 全日都搭巴士,,
第一站,, 去大三巴附近街市食牛什,, 肥仔話上次食過好好味,, 我覺得比紅街市個度淋d,,

同埋咸左少少,, 我中意紅街市多D..
之後直接行去禮記lu,, 今次冇google map, 淨係得張相既地圖同埋少少記憶,, 但都搵到喎,, 好叻呀,,
其實以前未有智能電話個陣都係咁樣搵嫁啦,, 只不過而家係太依賴啦~
行到好支力好熱,, 慢慢坐低抖下先,, 我地叫左3球,, 係椰子+香芋+花生味,, 仲有三文治~

呢度D椰子味雪糕好好好食,, 係好清甜既椰子味,, 香芋味就有香芋粒,,有D咬口,, 都好味,, 唔係阿波蘿個個味,,

係另一回事來,,~ 不過其實我都幾中意紫色既香芋雪糕,, ^^ 而花生味,, 正確應該係花生醬味,, 超濃郁既花生醬,,
我記得我以前食過都幾好味,,但而家食我唔係太接受到,,不過中意食花生醬既人應該會好中意既,,
食完雪糕抖夠啦,, 肥仔帶我去睇燈塔,, 黎過澳門咁多次,, 成日係遠處見到個燈塔好令,, 但一次都未去過,,
個度有纜車可以搭上去,, 不過我知呢個纜車都有段歷史,,而且冇咩人搭..所以都有點兒怕怕,,
肥仔話唔驚喎,, 而且唔搭就行樓梯....望住個太陽,,  咁好似搭方便D..
搭巴士好快到松山,, 落車有哥哥仔帶我地行去,, 好好人呀!!
個纜車站比相象中細得多,, 不過算啦,, 咁熱唔通真係行上去咩~

正當打開纜車站大門時,, 發現,,, 例行檢查中,, 暫停兩天,, 天呀,, 其實我有D慶行唔洗搭,, 望落去好似好危險咁嘛..
但唔洗驚既時候就要行上去.... 望上去唔係好高嫁咋.. 我諗大約行15min左右啦~~
不過係呢段3,4點時間行上去,, 唔中暑都好彩啦,,  燈塔上面都幾有型喎,, 好大好大,, 
其實上面睇既野唔多既,,但當有風吹個陣再望下風景都幾舒暢嫁~~ 唔係咁曬咁熱就good啦,, (用電話影唔哂上面)

影左輯沙龍留個倩影~~ 落返去有猩猩睇,, 哈哈,, 不過有D污糟喎,,
又搭返巴士去紅街市啦,, 我地既行程好順利呀,, 所有地方都係順住落,, 唔洗兜~~
但我地冇plan過嫁,, 好lucky冇行冤枉路,,
去紅街市食牛什,, 好味道!!! 次次想去格離食奶油脆豬唔係閂左就冇開,, 好失望,,

跟住入左摩卡玩陣$5骰仔機就去食飯啦,, 諗唔到食咩好,, 最後去左金沙foodcourt,, 哈哈,,

喇沙,, 都幾好味~~ 肥仔食到出哂汗,,

普遍一碟炒芥蘭,,

粉絲蝦煲,, 唔係好夠味,, 有少少油,, 不過都幾乾身既,, 但隻蝦好雪味..

食飽飽就搭船返香港lu,, 曬左一日好支力呀,, 下次好似過夜好D,,  

吉列薄豬豬

我好懶入相呀,, 寫住先啦~~
某一日收早落左旺角行街街,,成日都見到人地食吉列豬扒好好味,,
但一路都未有機會去試下,, 見到家樂地庫豚組有得食,,~
就衝左入去lu,,  大鄉里唔識食,, 哈哈!!
自己磨芝麻,, 好好玩,, 再加埋醬汁,, 好濃呀~~



叫錯左... 叫左呢個薄既... 整係食到脆卜卜,,唔係好食到豬扒....
好後悔...  不過個椰菜絲好好食!!  呢個餐好似1百蚊左右,, 差唔多啦,,

炸芝士年糕,, 好好好好味,, 勁香呀,, 不過食一件已經好溜啦..
$3x,, 超值!!  下次再黎一定叫~

冇理由黎到唔食呢個嫁嘛,, 我麻麻地中意食芥末醬,, 有D刺鼻,, 但豬扒夠厚好多汁!!

唔記得幾多錢啦埋單,,淨係記得唔算好貴,, 下次會再黎試其他~~

我回來了

嘩，都有成個月無update啦，襯今日唔算好忙把握時間寫下先！
呢個幾月都發生左好多野嫁，之後有排update lu。
前一排公司轉左老細，部門重新分配，個段時候都好亂，走得既就走，轉得既都轉，我都係一分子，哈哈！
不過而家穩定左，大家心情都回覆原狀啦。
而我就屎忽痕，突然間有種心態覺得自己需要改變，係時候要長大，想學多D野咁樣。
則係簡單D，就係發覺自己唔夠用，所以想去增值下咁樣。
而個段轉老細時間，我亞姐就接多左department，咁順理成章就過左去啦，算係過返D精彩D既生活，
以前返工晚晚都放11點3，成日夜生活，4點訓覺已經算早啦，1點起身返工，得放假先可以去下街。
不過而家可以返早，仲要早左起身，習慣左幾年既生活要改變啦！
返早放早多左好多時間，可以同媽媽食飯，收工又可以行下街，不過就用多左錢lu,,
而家轉左2個幾月大致上都OK呀，時間過得好快咁，都學到幾多野嫁。
同埋返早可以去返學學英文，唔洗特登放假返學，不過...之前報左嫁啦，但暑假冇人報名，開唔到班，而家要再等9月中或者9月尾。
我好期待，希望可以快D返學啦！

呢幾個月發現自己好大洗，今個月開始，努力草錢！！草錢！！草錢！！

講住咁多先。

最後一天之田崎真珠-銀座

終於update到最後一日啦, 唔洗4個月完成個遊記算唔錯嫁啦~
呢一日影左好少相咋, 因為得半日時間, 要最後衝刺瘋狂購物嘛,,
最後2日住個間酒店真係好大, 你睇下個停車場車位就知啦, 仲好似唔止得一層tim,,

食完早餐去參觀田崎真珠, 話係日本最出名嫁,
但價錢一D都唔貴,, 2千蚊港紙左右都有交易~ 仲有心型既珍珠tim,,
有珍珠抽獎, 不過冇我份~~
門口有好多梅花樹, 好好好好好令呀,, 大大朵, 全部都開哂花, 我地真係好岩時間!!

最後一個目的地, 銀座,, 一去到比起我想像中既銀座都幾唔相同,, 我以唯似旺角咁, 但呢度係中環金鐘,,
不過照行啦,  唔係得好多時間比我地, 所以只係行左2條街咋, 前面有好多百貸公司, 但我地一個都冇行到,,

呢度有玩具博品館, 好多層嫁,, 我地最後先行佢, 因為以唯冇野買得參觀,
但原來好多好多好多野睇嫁,, 又好多好多好多野買, 如果去銀座一定要去呢度呀,,
我地既時間只夠好快咁行一轉..

最重要, 成堆都係龍猫, 我好開心呀,, 見到佢地發哂光,, 揀揀揀左好耐,,
到我而家都好後悔買左好少野咋,,!! 我一定會再黎嫁!!!

最後行埋超市買士多啤梨就要集合啦,,
已經支力到食咩都唔緊要, 總之有得坐就得啦,,
點知.... 食韓燒,, 仲衰過漢陽苑,, 最大問題係好多強國人, 同我地一樣岩岩黎...
所以..拎野食好似打仗咁.. D強國人乜都唔拾輸... 見到有少少位就撞入黎搶...真係嬲!!
不過支力到乜咁..都係個句, 好既一餐唔好既又一餐... 我接受能力都幾高既,,

真係要走啦,, 係機場拾好D行李.... 我用大喼, 唔夠放...手拎2袋唔計手袋... 好彩肥仔接我,, 唔係唔知點算...

好唔捨得日本呀,, 成個行程雖然食方面唔算好好,, 但總括我都滿意!!
下回會講戰利品同感想,, 咁就正式close file~

魚生飯

哈哈,, 成日都想update,, 但又因為懶懶地,, 同埋有時返工時間不定時, 有時都想早D訓覺嘛,,
言歸正傳,, 今次講食食食,,  某一日同家姐行完街去左食魚生飯,,
其實我唔係話好中意既,, 不過間唔時食下都可以既,, 但我比較中意食有汁既飯多D,,
焗金茹.. 但唔知點解有D黑色一粒粒,, 好似膠粒既野物體,, 換過已經好少少啦.. 不過都有,, 食唔死既,, 算啦~

考慮左好耐,, 叫唔叫好,, 最後都係叫,, 哈哈~~
麻麻地啦,, 唔係好甜, 不過60幾蚊算係咁啦,,

又係諗左好耐,, 揀冷面定揀魚生飯好,, 唔係成日食就揀佢啦,, 都幾好食,,~~

下次可以再去,,

栗子蛋糕

上次團購有2個course,, 第1次整左macaroon,,

呢次整栗子蛋糕,,都幾期待,, 因為都想試下整個栗子蓉,,

點知,, 原來只係好簡單整個朱古力海綿蛋糕做餡...

個栗子蓉都係佢打好比我地唧就算,,, 有d失望,, 仲要唔夠分.. 每人得一袋仔...
我用有限既資源唧得令一令.. 

都算唔錯,,

日本迪士尼-涉谷 Day 6

16/4

好多日冇update啦,, 返工好忙呀,,工作上有新嘗試,, 呢個遲下先再講~~
講返個旅行先,,呢日去迪迪尼啦,, 個個都話好大,,淨係行一日都行唔哂,, 所以都有少少期望嫁,,~
不過都係食左早餐先~~ 呢度食早餐排好長龍,,我地已經預早左時間, 但去到見到超多人排隊,,亦都相信食早餐唔會咁多人,,
所以繼續搵餐廳,,,點知直到我地見到團友排緊隊,先醒覺...真係係度食早餐,, 我地哂左好多時間啦~~
呢度好大呀,, 好多食物選擇,, 蝕哂啦......

早餐食唔得多,, 見到咁多野食真係浪費呀,, 樣樣都想食,,
我都幾中意食個d凍豆腐,,又滑又好食,,

終於去到迪迪尼啦,, 有d凍,,哈哈~ 不過心入面有團火,,
其實希望留迪迪尼留平日,,因為想自己出去行下,, 得呢一日全日自由活動咋喎,,緊係想偷走啦,,哈哈,,
所以係迪迪尼都快快行下算啦,,
後面係岩岩新起冇耐既星級酒店,,唔記得5星定6星啦,,

呢個係幽靈公館..我地去到個陣唔係好多人,,入得好快~~
入到去黑蚊蚊,,當然係睇幽靈啦,, 都幾長嫁,,唔錯唔錯,,

一定要玩呢個,,巨雷山,,好好玩,,好快呀~~ 我地排第1次排8,9個字,,之後特登拎快証,, 一陣夠中再黎玩多次唔洗排隊,,~

玩完過山車出黎岩岩好睇巡遊,, d日本人坐都坐得好整齊,, 前面d人唔會遮住後面d人,, 後面d人又唔會逼前去,,
我地都搵到個位坐得好舒服睇表現~ 可能未睇過,,又係第2個地方啦,,我睇得好投入~

叢林巡航,,好似香港迪迪尼個個咁,, 其實香港個個我都只係玩過一次,, 所以我已經唔記得左係點既樣,,

好多動物睇,, 雖然我聽唔明船長講咩, 但見到佢好投入做戲我都好投入, 睇得好開心,,

城堡我又覺得好似香港個個令D,,

見到有鴨呀,, (唔知係咪鴨==) 冇困住任佢地走嫁,, 仲識飛tim,,
如果係HK,, 咁飛c大隻實會比強國人捉左去燒....

怪獸公司,, 導遊話係新開, 叫我地去玩下,, 排隊排左個幾中,,
有少少失望,, 因為好似玩巴c光年咁, 但冇計分嫁.. 所以冇咩刺激,, 仲有少少悶~~
不過可以見到亞boo同毛毛都好,, 小朋友玩一定好開心,,

玩完出黎岩岩有鋼琴表現,,一路踩單車一路彈琴~

最後係出口影左呢2個公仔,, 唔..我唔係幾識佢地.. 不過唔好拾輸~~ 其他太多人排隊影啦,,
我地玩到4點幾就走啦,, 其實真係幾大嫁,, 大到都唔知點行好,, 咁心又諗住去行街,,
所以好似冇咩心機玩咁,, 而家睇返東京迪迪尼web site,, 我仲有好多野未玩嫁.......!!
下次又要再黎啦,, *******如果你好中意MJ既話就可以去睇個MJ 3D,, 如果唔係就唔好哂時間啦... 我睇到釣哂魚...*******

我地去左JR站則邊有個商場入面食野,, 揀左食拉面,, 咁多日都未食過,,
個拉面就麻麻啦,, 不過個唐心蛋就超好食,,
呢個商場都可以行一段時間嫁,,都幾多野睇, 我仲係度買埋porter tim,, 了左黎日本其中一個心願啦~

去到車站,, 望住個售票器唔知點算... 最後,,問人~ 好nice呀,,
幫我地襟好哂,, 仲好好笑容,, 雖然佢全程講日本, 但我睇得出佢好比心機教我地呀,,

登登~~  我地去左涉谷,, yeahyeahyeah,,  去到其實唔識路,, 不過跟住d人群行就得啦~~

唔打唔撞搵到好多商場,,又見到APE~~ 我唔岩,, 不過要買手信,, 好奢侈呀..

最後行到冇哂力,, 是旦入左間食咖哩飯,, 點知之後發現....香港都有....... 哂左一餐啦...

支力到死啦~~~  但...兜極都兜唔返去搭車... 兜左好多個圈.. 哈哈...  跟住又唔知點樣行下行下又搵到返,,
不過返到酒店得返半條命都冇,,,,,