牛角 10/7

第3日啦，食牛肉面食過返尋味，不過都想試下其他，行去西門町個陣搵下有咩食，經過呢間良品牛肉面。旅遊書入面有介紹就衝左入去啦！

價錢貴過琴日食個間，計起都要$3x 港紙，不過佢有燒味食，當時我地唔會食啦，但見到好多台灣人都食，應該幾岩佢地口味！

我要清湯

肥仔要紅燒！我同肥仔都覺得食開個間好味D，因為牛味濃過呢間，而且面既口感呢邊硬D。

另外叫左份水餃，普普通通啦，冇咩特別！
今日冇plan行程，只係行下西門町，同埋我要求去食牛角(因為平過HK)

行去西門町個陣見到有簽名會，Vanness 喎，呢度個後台冇遮冇掩，但都冇人好瘋狂圍住嫁喎！HK好似會驚比人睇蝕咁。

西門町好多油畫！個個都好令好有型！

 
係西門町買左鹽水雞，麻麻地，好勁胡椒粉味，不過之後食過另一間都唔錯！
返旅館抖抖就出去啦，我地去中山站個間！搭1個站姐。不過都要行段路，或者係我地出錯左出口，不過IPHONE真係好好用！幫我地搵到好多路！

到啦到啦，其實冇預要食飽，只係諗住食少少試下，因為都係要去夜市！

呢個勁正，燒一燒，一轉色就拎起，包住D蔥真係冇得頂，超級好食！
我唔食蔥都覺得好好食，佢唔知落左D咩，個陣青味冇左，真係超級好食！

叫左個拼盤。

金茹，冇咩特別，唔錯！
食完就落返捷運，又去返劍潭，冇錯，又去返士林！哈哈！

係劍潭站下面有呢個栗米蛋糕買，又係超級好味，好鬆軟嫁！
我去個陣買左少少試，之後走個陣又再買，全部自己食哂！

呢邊就係士林另一邊，我都唔知係咪都係叫士林，呢度多好多野行而且好多人仲好熱鬧！
衫，褲，鞋，野食，乜都有！　買下野食行到支力就返去LU！
睇睇下，其他今次唔係影左好多相，好多野都冇影到，不過唔緊要，係我記憶裡面永遠都係度！

中正紀念堂+天母商圈 9/7

嘩！唔見左好多日，我認我懶！而且前排係J2台睇秘密花園睇到上哂腦，不斷返睇又返睇，睇個結局起碼睇左6．7．8次！
個幾首歌每一日都仲聽緊，係，我仲未厭．不過真係好好睇，100個讚好！
就係因為套秘密花園，我拋低左個BOLG， 哈哈！
入正題繼續我既台灣之旅。
(其實呢段時間都有好多開心事值得紀錄，不過未有咁快可以寫得哂，要更加努力)

前一篇BLOG講完第1日行程，第2日我地去中正紀念堂，天母商圈同埋唔知咩夜市
(太多啦，去6日淨係食過1-2餐正餐晚飯，而且我靠相黎寫，名真係唔記得啦)

旅館冇早餐，所以去左Subway食早餐，平HK少少。

搭捷運去中正紀念堂，我地係台北車站搭2個站就到啦，好近。

係台北車站地下街買左呢個鹽水雞絲，諗住好似係士林夜市買個ｄ鹽水雞咁，點知係酸酸既，佢加左檸檬汁，完全唔同味，
不過都幾開胃嫁，我麻麻地，肥仔要食哂！

係捷運站出直行一小段路對面就係啦！

呢個入面睇操兵！

我地去到岩岩好1點 "交更"，企得好直操到好齊，真係好西利！

大熱天時，企得咁著到咁真係唔係講笑！

入面有蔣介石既博物館，都幾多野睇

行到支力就走啦，見對面有便利店，入去坐坐先，支力死人！
(台灣D便利店好自助，我好中意係度”不”關東煮，味道唔差又唔貴)




 
紀念堂入面不時有不同既展覽，我地去個陣好似係木乃伊同埋阿童木，但太多人好大個蛇餅，而且入場費唔平所以冇睇到。
其實去一次就已經足夠嫁！
不過有樣野值得提，係紀念堂入面D建築物門口，會有一大班學生係度跳舞(唔止一堆嫁)，可能呢D係佢地既文化，係HK邊會見到有人係博物館出面搞到D既野。
其實佢地都幾好，去到邊都可以做想做既野！會好開心呀！
返返去旅館抖一抖洗個面先。之後去食牛肉面，下次記得一定要影埋門口，如果唔係間鋪咩名都唔知。

肥仔等左好耐嫁啦，上次黎台灣，唔打唔撞見個樣唔錯就入左去試，一試就愛上啦！

不過我上次死蠢，見個個食紅燒我又一齊食，點知辣到飛起，半碗都食唔到，哂哂D Quota！
今次我醒，叫蕃茄牛肉，超重牛肉味，真係好好味！無得頂呀！仲要好近我地，之後有日仲食多次tim。



唔記得呢碟叫咩啦，係什錦之類啦，但好林嫁，好入味，好好味！
我諗未來去唔知幾多次台灣都一定會去呢度食！

同場加映，係台北車站見到佢，肥仔送比我！
肥仔諗住買大隻，不過我要細細隻已經夠啦，太大都冇地方放。
食完野就去左天母商圈，係上次家姐去過提議我地去，其實地方唔算好大，不過都幾多野賣，去下都無防！

我地係劍潭搭巴士去，劍潭捷運站個地圖有教搭幾號，對面馬路已經有巴士站，大約3,4個字就到。

見到先落車都未遲，行後少少已經係。

係度買左D皮既野，都唔平，不過當然比HK既價錢有分別，但物有所值既！
試過講價，不過唔成功，唔緊要啦，都唔係差好遠既！
之後就係去左唔知咩夜市。

我見到杯窩夫，我記得我有食過，但冇印象係邊食

淡水+士林夜市 8/7 Part 2

唔好比佢停, part 2,,
係旅店抖左一陣之後就出發, 第1個景點,,
淡水, 上次黎個陣好早, 睇唔到日落, 今次特登效好時間,,

搭捷運大約1個左右啦, 轉2程車就到啦,,

去到北投等淡水車, 幾個站就到啦,,

一去到淡水好多人畫畫, 100 1張, 都幾抵呀, 不過要坐好耐, 冇畫啦,,

上次食過好好味, 好大條魷魚鬆,, $50

又係我最中意既野, 愛玉冰, 去台灣日日都有飲, 仲唔只一杯tim, 見到就買,
試過咁多間, 係青蛙下蛋最好味,,

天氣好好, 不過張相反左光, 咩都睇唔到,,

一早已經話去情人橋, 我想去好耐啦, 肥仔話去過, 佢記得沿住河邊行就好快到,,
好多人係度抖涼, 風景都唔錯呀,,

行左幾個字開始唔對路, 愈來愈少人,, 前面乜都冇..

行返入內街, 見到D住宅, 咁岩見到對面有車去漁人碼頭.. 

肥仔仲話, 應該唔係好遠, 不過有d支力就去搭車啦,,

okok,, 不過上左車,, 都搭左幾個字先到, 如果繼續行應該行多成個中先會到,,

幾經辛苦終於去到, 好彩趕得切岩岩開始日落,

漁人碼頭酒店,,

望住日落真係好令,,
係HK生活太急啦, 唔會特登去一個地方慢慢行慢慢睇日落,,
但原來腳步放慢少少, 個心會安定落黎, 所有係眼中睇到既野都會好美好,

藍色天空襯日落,,

或者係黑色天空襯射燈都一樣咁令, 2個都好中意,,

下面有好多有live band既餐廳, 個景一流,,
最後重點, 見到有船落返去淡水, 初初都好驚, 因為一路沿住行都見到D船大浪到飛起, 有D淆底嫁,
不過又快好多又未搭過想試下, 所以都係搭船返去, 點知, 上到船肥仔就話, 咦, 我記得我上次係搭船過黎啦,, 真係吹到啤一聲,, 

搭返捷運去劍潭, 去士林夜市, 原來格離仲有條街好多野行好多人好熱鬧, 上次行過左skip左...
(唔係上面個張相, 太多人太逼啦, 冇影到)

緊係買生果啦, 又甜又多汁, 不過... 我地揀左上面個4包... $5xx
當時佢講完就比錢啦, 但之後諗諗下.. 成舊水港紙喎, 每樣買一大個都買到啦, 而且最後係食唔哂..有少少唔開心不過算啦, 下次醒水啦,, 

 

其實去士林, 最重要去買亞姨鹽水雞,, 肥仔買一袋, 落左辣, 我唔食辣, 少少都唔食, 但我搶住黎食, 雖然真係好辣,,
不過個汁好好味, D菜好多汁好正, 之後幾日都有特登去買, 我仲自己買一包食,, 
行完買左D野食就返去旅館啦,, 咁就過左第一日啦,, 真係寫意,,