聖誕快樂-糖霜曲奇

又成半個月冇update啦,, 都係因為懶啦,,
話咁快就過左聖誕節啦, 之後而家又月 尾, 好快又2011年倒數,,

呢幾日都出左去玩,, 好開心,, 但硬係冇咩聖誕氣氛,,

點解而家條街冇咩聖誕裝飾嫁呢,, ??

23號個係公司x'mas party, 下就我地自己部門都有搞party, 呢日最齊人嫁啦..

所以整左d曲奇餅返去,, 第1次整糖霜曲奇,, 比想像中容易, 不過真係好甜好甜呢,,

雖然過左,, 不過都係要講聲聖誕快樂既,,~~

台灣last day 13/7 (完)

終於寫到最後一日啦,, 個遊記寫左差唔多2個月先寫哂。
不過重新寫一次就好似去多一次旅行咁, 個片段係個腦再播一次,, 係一個好好回味既方法!!最後一日冇安排節目, 都係當日先決定.. 因為唔去得遠, 所以係旅館附近食少少野,, 比我地搵到呢度,,  好好味,,, 鹵肉飯好入味,, 碟菜加左D肉汁超正,,

肥仔叫左魷魚羹唔知咩粉,,,  超超超超超超超超好味,,, 而家見到我勁想食,,,!! 
下次黎一定要食返呢間,,

之後近近地去左101,, 落9屎咩心機都冇, 上去更加咩都唔到, 係出面望下叫做黎過下就算,,
不過都好彩最後1日先落9屎,,

不過係去101中途經過個商場, 個度就好似好多野睇, 仲有個幾大既FOODCOURT, 係個度食埋野,,但就冇行到, 因為驚唔夠時間,, 食完野返去西門野行一陣就算啦,,

我前1晚見到已經想食啦, 不過都係留返今日先食!! 呵呵,, 好好味,,

坐巴士去機場, 睇下書食下野等上機,,

要走啦,,,  我好快會再黎嫁,,!!!!

今次旅行得同我肥仔2個去, 雖然冇其他人一齊嘻嘻哈哈, 但個種開心同一大班人係唔同,,
唔洗就其他人想去邊就去邊, 訓到自然醒先出去, 經過書店又可以入去係坐睇下書,,
其實快樂好簡單, 只要同你中意既人一齊, 去邊度做咩都好你都會好容易感受到快樂,,
身邊既一切得來不易, 要珍惜每一件事每一個人,, 總之每一日都要比自己過得開心~~ 

菁桐,十分放天燈 12/7

要繼續打埋個台灣之旅, 如果唔係我仲有個泰國之旅唔知要幾時先打完,,
呢1日係旅行既第5日, 期待左好啦, 因為可以放天燈!!
又搭返自強號去瑞芳, 今次買飛好快。

之後再轉火車去十分, 黎到個感覺好新鮮。

呢日落少少毛毛雨, 但大部份時間都冇落, 都算幾好彩。

車站好有風味, 條路軌可以比人行好得意,,

呢條橋我行左幾步唔敢行啦, 又長又搖下搖下, 淆哂底 

我覺得呢度好令,, 又係一個好古色古香既地方。

係呢度都見到佢, 好大隻好可愛, 我好想拎佢返屋企...
呢個生招牌, 因為佢, 我係呢間鋪頭到買post card 寄返香港, 哇卡卡!! 

見到有人放天燈好開心, 我都想玩, 不過肥仔話平溪有得放, 咁就去平溪先放啦,,

坐係架火車上面見到要過呢絛橋都幾牙煙, 不過呢D類似古蹟既野到而家都可以用真係好好。

但最後冇係度放天燈, 因為... 成條街冇咩人, 好似冇十分咁有氣氛, 係度食左條腸兜左個圈就等火車lu..

下一站去菁桐, 呢度一落火車就有間鋪, 入面有3隻獅子狗, 我發左癲咁,, 真係超級可愛, 我留左好耐先走... 

黎度緊係要買個竹寫野啦,,
不過就落左陣毛毛雨, 有D掃興, 不過我團火冇熄嫁。
呢間屋仔好正。

我寫好啦,,



肥仔幫我掛上去, 要掛最高個度,, 

格離黑蚊蚊個座野好恐怖, 上面好似有間CAFE 定唔記得係旅館, 呢度夜晚冇咩人都幾驚...
不過呢度影相就好令,,

其實已經好支力嫁啦, 但我好想放天燈, 咁難得黎到呢度, 冇理由唔放嫁嘛, 最後我地搭返火車返去十分。
去到十分差唔多天黑, 黃昏放天燈會好令。
是旦揀左一間, 唔記得200台幣定250台幣, 唔同底色有唔同意思。

突然要人諗願望都幾難, 寫左D好白痴既野 

呢度D人好好, 好主動幫我地影相, 但要好趕咁影 

未擺個令樣就"察"左啦, 不過係因為點左火既關係姐。

拜拜, 雖然寫D野係好白痴, 但都希望願意成真啦。

其實而家諗返起都真係好浪漫 , 下次都要黎過!!!
夜晚著左D燈籠好令,,

第火車都等左好耐, 行到好支力啦,, 返到去近近地係西門町打個邊爐就返去lu,,

呢一日係咁多日去台灣最開心既一日, 雖然每一個站等火車都用左好多時間, 但每一個地方都有唔同既風味唔同既感覺, 每一個地方我都好中意, 如果下次黎台灣我都會再黎!!

上面有D相係肥仔影既, 我邊可以影得咁令, 呢次旅行都影左幾多相, 全部都好令, 除左我自己影個D之外,, 

風月堂

或說10月某一日, 約左家姐去慶祝生日, 請佢去風月堂食lunch。其實我自己想食, 比左個籍口自己!!一路都好中意食風月堂, 環境舒服又好味。
呢個我叫既定食, 燒3文魚凍左麻麻地, 但下面D什菜10分好味, 好多汁。

家姐叫左燒牛肉沙律, 牛肉好林都幾好,,

但最重要緊係食窩夫,, 一啖雪糕一啖窩夫好味到呢~~~~

Joey & Joey 音樂會

話說公司之前整左個music one既音樂平台, 前個排同新城搞左個Joey & Joey 音樂會。

我呢d Joey fans 緊係想去睇啦, 點知員工都要join plan 先有飛, 雖然話就話係fans, 不過個plan唔平嫁。

最後都決定算把啦!!  我已經放棄左嫁啦, 點知臨開場前2日同我講有飛派, 我即刻發左癲, 但個日要返工。

係咁搵人調。 最後搞得掂, 不過月尾就返4日(平時返3日已經盡嫁啦), 但唔緊要, 值得既。 

入返正題, 當日下就陪家姐覆診做物理治療, 6點左右約埋BECKY去搭車出TST。

搵埋美琪WONG去食少少野, 之後去灣仔地鐵站拎飛, 係地鐵站等緊個陣, 見到好多公司既人, 好似開員工大會咁。

我地入到場都差唔多開始LU !!

如果唔係3個連位可以坐前少少,,

 
 
唱好多新碟既歌, 開頭有少少悶, 不過愈黎愈好睇!! GOOD SHOW!!
睇完去大角嘴打邊爐, 好彩有車接送, 

Hello

成日都好想update個blog, 但我中迷緊元彬, 一有時間就喪睇, 真係覺得自己好痴線!!

話咁快就去完旅行返黎啦, 一d期待一d興奮既感覺都冇.. 感覺係,, 仲支力過返工...

仲大大聲話去到要晚晚窯遊記, 點知日日支力到傻... 最後我冇口齒!


去完旅行返黎都係返工, 冇咩特別啦, 26/11個日同肥仔去左海港城睇toys story, 遲下再update啦。

之後有好多節目, yeahyeahyeah!! 聽日去整頭, 夜晚約左姊妹食飯。

4/12去行山之後BBQ

11/12 同媽媽慶祝生日去食buffet

14/12 覆診

18/12 亞爺生日食飯

23/12 公司 Christmas party

24/12 Christmas party

1/1 睇叱吒 (我竟然打到去換叱吒飛, 真係好叻!!)

講完咁多先, 不日再update。

九份+基隆夜市 11/7 Part 2

上次講到淘完金之後就落返九份！

一經過第一時間去食芋圓，真係好好味！加紅豆好正！
今次都有買盒生芋圓返去HK自己煮，但整唔到人地咁又味又煙un．．

一路食芋圓一路望住呢個景色，點會唔愛上呢度呢?! 
食住中意食既野，再同最心愛既人一齊望住呢個風景，快樂真係好簡單！

終於搵到呢條街啦，成日D人低炒影相好鬼令，但上次行過睇唔到。
下次一定要夜晚黎！

臨走個陣入左呢間鋪頭試下魚丸，話哂成條街都係，唔試下唔得。

海哲，都ok呀，幾香，因為落左麻油嘛！
另一個係綜合魚丸，其實都冇咩特別，好似花枝丸同包心丸咁，下次可以試第2間。

去完九份搭巴士落基隆，上次搭過一次，但唔記得係邊落車，又唔知要搭幾耐，因為上次搭車訓到豬咁...
今次用google map,, 差唔多附近落車再行一陣就到夜市啦，不過去到早左少少，行左去海港度抖下。(唔記得叫咩海港lu，係車站格離)
個天好令，吹下海風好舒服！

睇唔睇到我淘個D金，肥仔終於比返D相我啦，下次可以post返淘金過程！

坐左陣就返返去行夜市啦，特登留返個肚博殺！呢個係其中一個好中意既夜晚！
唔記得影一口腸，超正！

我認得呢個姐姐，唔記得叫咩羹啦！

D湯同D魚都好好味！總之好正！

呢檔係魷魚羹！

仲叫多個粉絲，乾身好入味，又係

買左呢個好似豬頸肉既野，普普通通啦。

呢個唔係講笑！

油飯真係無得頂，可以封佢為基隆夜市榜首，真係超好味！最後行完仲去返呢度買多碗返去食！



之後掛住食都冇咩點影啦！買哂野食返去開餐！
點知食完冇耐又屎忽痕係旅館格離便行店買左盒冷面試下，唔．．唔係難食，不過唔好味啦！

一路寫BLOG一路好回味，肥仔就好啦，過幾日又去啦，今次冇我份，因為佢上機之後個日我去泰國！
我已經決定左去泰國帶埋netbook去，每一晚都打遊記，如果唔係返黎HK又唔知擺幾耐先打得哂！