ChanBo Beautiful Life: 2010

9.09.2010

作死.....長隆,,

作死囉....又放個blog係度.... 幾個月都唔update下,,

講返近期先,, 上個月尾同老公仲成班同事去左長龍2日1夜,,,~~

好好玩仲好開心tim...!

一朝早搭左唔知幾多個中車上祈福...一路係咁訓...之後聽佢地講...原來塞左成中車..
去到放低野換3就啦啦聲去水上樂園啦,,!! 有車book,, 好方便好快就去到啦,,!!

d人著泳衣著得好好笑,, 一路排隊一路睇.... 玩個d game全部都好好玩,, 好正..

勁驚... 係咁係度嗌,,! 哈哈,,, 嗌到爆,,~~ 其實都唔係好夠時間.. 仲有好多野未玩,,

玩到人地差唔多閂門先走,,~~ 又book返車返去食飯,,!! 好想食佢地講既粥水邊爐,,,

好可惜自己唔識去.....!
返去沖好哂涼... 玩一陣就訓覺啦,,!! 都訓得幾好既... 訓到朝早先札醒...
已經算好好嫁啦,,!! 好驚半夜札醒會見到d唔知咩野......
第2日11點起身拾好野就要走啦,,~~ 自己等村巴去夜房... 食埋個早餐就book車動物園,,
都係係水上樂園個附近,,所以住個邊個d仲方便得多,,, 不過就貴好多啦,,!!
呢一日d天氣真好熱..... 仲要冇咩風.... 好似一路都係行下.. 冇隊排... 如果唔係停係度等一定仲辛苦!!

都算幾多野睇既... 不過睇睇下.. 又好似黎黎去去都係個d,, 咩動物都會有特別版白色..哈哈!!

佢地餵老虎..諗住會搶食.... 點知... 可以放得太耐啦.... 擲到佢腳下面都唔識搵黎食......

哈哈...最後搭埋個觀光火車睇埋最後個d就走人啦,,!!

行到好支力呀,, call車直接返去落馬洲...勁快.... 岩岩好個半中就到啦,,!!

搭火車返屋企.... 搵亞ma食個飯.... 返去沖埋涼..... 又下一場.. 哈哈!!

呢隻猩猩勁好笑....痂住塊玻璃..好似想人鍚佢咁..!! 佢個樣...

呢2日玩得好開心,,!! 下年可以再去...~~

6.12.2010

馬灣,,

20100517

上個月多左個星期6,日,, 所以多左假放,, 返2,3日就放一日,,正到呢,,!!
17號個日同老公去左馬灣,,講左好耐話想去,, 不過一路拖拖拖..拖到而家先去..
話哂要搭船幾遠嫁,, 哈..
係荃灣等埋老公,, 急急船食個麥記去趕搭船,, 呢日天氣都唔錯.. 不過冇咩太陽!!
同老公搭船見到3個令妹仔自己係度玩.. 超好可愛,, 講哂英文咁.. 佢識唔識聽中文嫁呢..?!
落船個陣... 原來有個唔知係咪媽媽既人帶住佢地... 夾埋有4個...佢都幾勁嫁啵 ,,
去到搵個沙灘哂下太陽,,, 係正青馬大橋格離,, 勁正呀,,, 最好係冇咩人..
好安靜... 聽下歌訓下.. 睇下d小朋友玩下,, 又望下d人影結婚相,,
好舒服,,, 等到天黑同老公影相,,, 哈哈,, 玩得好開心,,!! 勁死我,,!!
不過餓得濟要買包包食,, 但就算食包都好,, 望住青馬大橋,,仲有老公係我格離我都覺得好浪漫!!
最後到9點幾就搭返船出去啦,, 等船個陣老公夾公仔,, 哈哈,, 第2次就夾到啦,, 叻仔,,!!
呢一個過得好寧靜!!

6.04.2010

Wedding,,

20100515 (六)

咁又返去半個月前啦,, 呢一日係同事結婚大日于,,

一路坐係佢對面,, 日日聽佢係度講,, 估唔到咁快就到啦,,!!

不過下就冇去觀禮,, 老公行完山陪我出旺角睇相機,, 講左咁耐又諗左咁耐,,

終於都買左啦,, 有老公幫我揀就10萬個放心啦,,!! 之後做埋轉台,,

搞好哂d野之後最後要趕過去,, 好彩仲未開始,,

成個婚禮都好開心.. 好感動,, 眼濕濕左幾次,, 真係替你開心,,!!

祝你永遠辛福快樂,,!!

(計計下,, 都隔左幾年冇著過高爭鞋,, 我都估到自己會腳痛,,已經去到先換嫁啦,,成個婚禮坐係度冇咩行過..點知走個陣就開始勁痛,, 急急腳出返出面換腳,,哈哈,, 睇黎真係唔係好岩我,,!!)

5.20.2010

曬太陽,,~

20100509 (日)

呢日天氣好好,, 老公嘈左好耐成日都話要去曬太陽,,

前一兩日仲好擔心驚落雨,, 不過.. 呢一日係熱到爆既,,!

今次揀左去黃金海岸,, 因為近老公,, 好成功自己識搭車去,,仲冇盪失路!!

第一次突登去曬太陽,, 對上一次就係係泰國., 訓係d沙度舒服得濟訓著左,,

今次買埋書去睇,, 又聽下歌... 雖然真係好熱.. 熱到個肚都濕哂,,

第一次出汗出到咁呀,,! 不過都真係幾舒服,, 曬一陣又有風吹下..
不過我勁驚曬黑... 淨係肯曬後面.. 到5點幾就返去lu,,
返到去,,
老公話: 你好似黑左少少喎,,

我話: 下.. 真係嫁,, 咁要買個盒粉底啦,,又$580...

老公:

, 咁冇黑到啦,,!!

我: 哈哈哈哈哈,,, 講下姐,,!!

第一次同老公去曬太陽,, 比著以前既我,, 真係彩你都傻啦,,

但而家同老公一齊,, 等閒去下又幾開心幾舒服!!

不過黃金海岸個度淨係哂太陽就好啦,, d水勁污糟呀..!!

而家香港d海灘係咪全部都咁污糟嫁...

5.12.2010

釣魚*

又時光倒流到5月5號,,~~

上個月plan到今個月話去釣魚,, 最後得返3個,, 好彩都去得成!!

係大埔墟join埋老公同bb,, 食個埋lunch就出發啦,,

不過好大頭蝦,,, 記得拎d魚牌...但唔記得拎d餌.. 最後要去媽咪度拎過,, 低能,,!!

租左隻4人艇...慢慢爬出去,, 不過其實我好驚... 勁驚會反船... 要札哂馬咁坐..哈哈!!

因為我驚得濟.. 所以唔係出左好遠姐,, 係岸邊釣下魚,, 天氣又好好,,

一d都唔熱,, 又冇咩太陽,, 一陣陣風吹埋黎,,勁寫意呀,,

最後,, 我釣得最多,, 佢地一個2條一個3條,, 我有11條,,都唔錯嫁啦,,!!

5.09.2010

大澳,,

2號個日去左大澳慶祝我地7個月,, 哈哈..

其實係講左好耐都未去到.. 就呢日去埋姐!!

記得對上一次去大澳應該仲返緊小學陣,,, 已經冇咩印象啦,,!

今次同老公一齊去好似去左好多地方.... 仲影左好多相..!

天氣又好好,, 行得好舒服,,!

唔去都唔知原來大澳都幾多野食,,, 一路行一路食.....食到飽哂...

仲睇埋日落.. 不過岩岩個山阻住左,, 睇得少少,,!

最唔開心就係老公帶埋部菲林相機出黎... 都差唔多影哂筒菲林..

點知click住左... 菲林都爛埋... 最後成筒唔要得...

仲影左好多令相tim嫁... 真係哂左啦...

不過總括黎講呢一日都過得好開心,,!

4.29.2010

肉醬意粉,,

前幾日放假冇野做,, 老公又返夜搵唔到佢食飯,,

最後係屋企牛左成日,,淨係落左街買野食,,!

初初係度諗整咩食好,, 先記得個打蛋器係bb度,,
整唔到蛋糕唯有整意粉,,

整咁耐我都淨係識整肉醬同白汁,, 肉醬最易整,, 買樽醬就得啦,,!

勁方便,,, 本來諗住今次整牛肉... 點知原來樓下街市冇牛肉檔...痴線嫁..

最後個肉醬意粉成為左個晚既晚餐,,第2日同老公既午餐,,仲有2日後今日既午餐,,哈哈,,!

唔好哂呀嘛,,!

自己一個食個賣相係差d嫁啦,,不過老公都話好好味,,!

今次落落下落哂成樽醬,, 之前落半樽乾d,, 今次濕d好味d,,!!

4.26.2010

i love you all

20號個晚,, 同班姊妹門去左食buffet,,~

不過又唔齊人,, 而且個buffet又麻麻,,但都一樣食得好開心,,

好希望,, 每個月最少都會有一次聚會,,

d人成日話,, 咁耐唔見.. 都唔知有咩講..

但我又唔覺喎,, 我地每一次出黎都大把野講,,

次次都會笑到肚痛,, 每次走都好滿足嫁啵,,!

睇你個心點諗姐,,!

我就每次見到佢地都好開心啦,,~

n年前係巧屋企打麻雀個陣佢曾經講過...

佢話.. 我覺得我地幾個十年廿年後都一樣會一齊坐係度打牌嫁喎,,!

哈哈,, 冇錯冇錯,,!!

i love you all **